11 de junio de 2012

EAJ-PNV-K FORU ALDUNDIARI ESKATU DIO ZERGA-ZIGORRAK BARKATZEKO ESKUMENA BERE GAIN HARTZEKO ETA GANBERA INFORMATZEKO.


Itziar Agirre jeltzalearen iritziz, “Batzar Nagusiek zerga-zigorren gaineko erabakiak hartzeak ez du bermatzen prozesu horien gardentasuna”. 


Gipuzkoako Batzar Nagusiek onartu dute Foru Aldundiak zerga-zigorren barmakenari buruz erabakia izatea, betiere ganberako taldeak aldez aurretik espedieteei buruz informatuta. Itziar Agirre EAJ-PNVren batzarkideak Foru Aldundiari eskatu dio, gardentasuna aitzakitzat ez erabiltzeko. Ildo beretik, Agirreren ustez, “lortutako adostasunak eskumenak bereizten ditu eta, gainera, zigorrak barkatzeko prozesuen gardentasuna bermatzen du”.

Era berean, jeltzaleen hautetsiak honakoa esan du: “Batzar Nagusiek zerga-zigorren barkamenari buruz erabakitzeak ez du zer ikusirik prozesuen gardentasunarekin. Gure ustez, ganberako taldeei informazioa bidalita – orain arte horrela egin izan da – gardentasuna bermatzen da. Hau da, baldin eta Batzar Nagusiak informatuta badaude, beste organo zein erakunde batean beste ezer ez gertatzea bermatuko da eta, ondorioz, prozesuaren gardentasuna”.

Gainera, EAJ-PNVren batzarkidearen aburuz, “enpresen egoera zailaren informazioa publikoa egiteak lagundu ordez, egoerari aurre egiteko kalte egiten diete”.

Itziar Agirrek, halaber, segidakoa gogoratu du: “Foru Aldundiaren gobernuak irailan egindako arauaren aldaketa ez zen egokiena izan; izan ere, arazoak sortuko zituen, bereziki arazo teknikoak, taldeek espedienteak sakon aztertzeko formazio nahikorik ez dutelako”. Honenbestez, Agirreren iritziz, “zigorren barkamenaren eskumena Foru Aldundiak izan behar du eta, beraz, diputatuen kontseiluak hartuko du erabakia, betiere Batzar Nagusiak aldez aurretik informatuta”.

Hori guztia dela eta, EAJ-PNVren batzarkideak Foru Aldundiari eskatu dio “biktimarena egiteari uzteko eta gardentasuna ez erabiltzeko beste batzuek aldundiak berak egin behar duen lana egiteko”. 

No hay comentarios:

Publicar un comentario