EAJ-PNV-K IRAGARRI DU BERE KARGU PUBLIKOEK ZEIN AHOLKULARIEK EGUBERRIKO EZ-OHIKO ORDAINSARIARI UKO EGITEN DIOTELA

Eider Mendoza batzarkide jeltzaleak honakoa esan du: “Nahiz eta Gipuzkoako ekonomia-egoerak Espainiako Estatutaren egoerarekin zerikusirik ez duen, neurri gogorrak ezarri nahi dituzte, batez ere, okerren pasatzen ari direnei”. 

Gipuzkoako Batzar Nagusietan EAJ-PNVren batzarkide taldeak gaur iragarri du, bere kargu publikoek zein aholkulariek Eguberriko ez-ohiko ordainsariari uko egiten diotela.

EAJ-PNVren batzarkide Eider Mendozaren iritziz, “besteak beste, BEZaren igoerak eta mendekotasun arloko neurri gogorrek, egoera okerrean daudenei eragingo diete, bereziki, Euskadik atzeraldian jarraitzen duen bitartean”.

                                                                                   

Hori dela eta, Mendozak segidakoa azpimarratu du: “Egoera horren aurrean, EAJ-PNVk Martin Garitanori eskatu dio, mendekotasunari nahiz langile publikoei ezarritako murrizketak ez aplikatzeko kompromisoa”.

Horrenbestez, hona hautetsi jeltzalearen hitzak: “Era berean, Eguberriko ez-ohiko ordainsariari uko egiten diogu eta, beraz, egoerarekiko gure konpromisoa adierazten dugu”.