11 de marzo de 2013

EAJ-PNV-K LAGUNTZA PROTOKOLOA PROPOSATU DU ETXETIK KALERATUAK IZAN DIRENENTZAKO



Eider Mendoza batzarkide jeltzaleak iragarri du, EAJ-PNVk ekimena egingo duela erakundeen arteko elkarlana bultzatzeko eta, horrenbestez, etxe kaleratzeen arazoari aurre egiteko. 



Gipuzkoako Batzar Nagusietako batzarkide taldeek etxe kaleratzeen arazoari buruz eztabaidatu dute, gaur goizean, eta honakoa adostu dute: etxe kaleratzeak jasaten ari direntzako laguntza psikologikoa eta juridikoa ematea.

Horren harira, Eider Mendoza batzarkide jeltzalearen iritziz, laguntza psikologikoa eta juridikoa oso garrantzitsua eta beharrezkoa da. Horrenbestez, EAJ-PNVren batzarkide taldea pozik dago gai honen gainean alderdi guztiak ados jarri direlako. Hala ere, batzarkide jeltzalearen aburuz, etxe kaleratzeen arazoa laguntza psikologikotik eta juridikotik harago doa. Hori dela eta, EAJ-PNVk proposamena egin du plangintza berezia egin dadin etxe kaleratzeei aurre egiteko, baina Bilduk, PSEk eta Aralarrek ez dute kontuan hartu. Ondorioz, Mendozak honakoa esan du: “Aukera paregabea galdu dugu etxe kaleratzeen arazoa behar den bezala konpontzeko”. 

Era berean, Eider Mendozak iragarri du, EAJ-PNV batzarkide taldeak ekimena proposatuko duela, erakunde publikoek eta finantza-erakundeek laguntza protokoloa egin dezaten, etxetik kaleratuak izateko arriskuan dauden herritarrak denboraz ezagutzeko eta egoerari aurre egiteko neurriak lehenbailehen hartzeko.

Halaber, Eider Mendoza jeltzaleak Gipuzkoako Foru Aldundiari eskatu dio, aldundiaren esku dauden etxeak, mailegua ez ordaintzeagatik – langabezian gelditu direlako edota diru-sarrerak gutxitu zaizkielako – kaleratuak izan diren herritarren zerbitzura jartzeko, beste erakunde batzuek egin duten bezala.

No hay comentarios:

Publicar un comentario