22 de mayo de 2013

EAJ-PNV-REN KOMUNIKATUA FORU ALDUNDIAK PROPOSATUTAKO ZERGA NEURRIEI ETA ZERGA-IRUZURRARI AURRE EGITEKO NEURRIEI BURUZ



EAJ-PNVren batzarkide taldeak atzo jaso zuen eta, beraz, sakonago aztertu nahi du,  Gipuzkoako Foru Aldundiak Batzar Nagusietan aurkeztutako zerga-iruzurrari aurre egiteko neurrien gaineko, kredituak kobratzeko elkarren arteko laguntzaren gaineko eta beste hainbat zerga aldatzearen gaineko Foru Arau proiektuaren proposamena. 



Dena dela, azterketa sakon bat egin baino lehen, EAJ-PNVk hiru gauza adierazi nahi ditu:
1.- EAJ-PNVren iritziz, zerga-iruzurrari aurre egiteko neurriak Araba eta Bizkaian onartutako neurrien oso antzekoak dira eta, beraz, ez dira berriak.
2.- Era berean, EAJ-PNVren ustez, kredituak kobratzeko elkarren arteko laguntzaren gaineko neurriak, Gipuzkoan ezartzeko Europar Batasunaren zuzentarau baten aldaratzea dira eta, beraz, zuzentaraua ezartzea derrigorrezkoa da.  
3.- Hala ere, zerga aldaketen gainean (PFEZ, sozietateen gaineko zerga, ondareen gaineko zerga, etabar), EAJ-PNVren aburuz, oso larria da aldaketak urgentziaz egin nahi izatea eta, bereziki, Euskal Autonomia Erkidegoko alderdi politikoak gaiari buruzko negoziazioan parte-hartzen ari direnean. Gainera, alderdiak negoziatzen ari direnean, horrelako alde bakarreko proposamena egiteak argi uzten du Bilduren aginteko Foru Aldundiaren negoziatzeko eta adostasunak lortzeko gaitasun eza, prozesu garrantzitsu honetan.

No hay comentarios:

Publicar un comentario