EAJ-PNV-K EUTSIKO DIE MENDEKOTASUNAREN ETA MINUSBALIOTASUNAREN GAINEKO KENKARIEI

Batzarkide jeltzale Eider Mendozak Bilduren aginteko Foru Aldundiari eskatu dio jarrera aldatzeko eta zerga aldaketa ez oztopatzeko, betiere gipuzkoarrak ez kaltetzeko. 

Gizarte Politikako foru diputatu Ander Rodriguezek Batzar Nagusietako oposizioko alderdiei – hain zuzen ere, EAJ-PNV, PSE eta PP alderdiei – eskatu die zerga-politika aldatzeko proposatutako hiru foru arauak erretiratzeko; izan ere, Ander Rodriguezen beraren ustez, foru arauek mendekotasunaren eta minusbaliotasunaren gaineko kenkariak gutxituko dituzte. Horiek horrela, EAJ-PNVren batzarkide Eider Mendozak Gizarte Politikako foru diputatuari eskatu dio, lasai egoteko eta gipuzkoarrak ez larritzeko. Era berean, Mendozak azaldu du, EAJ-PNVk eutsiko diela mendekotasunaren eta minusbaliotasunaren gaineko kenkariei.

Horren harira, Mendozak segidakoa esan du: “EAJ-PNVk lehengo astean argitu zuen, zuzenketa teknikoak egingo zizkiela foru arauei – hain zuzen ere, Pertsona Fisikoen Errentaren gaineko Zergari, Sozietateen gaineko Zergari eta Oinordetzen gaineko Zergari – betiere foru arauetan aurkitutako hainbat gauza aldatzeko. Horien artean, mendekotasunaren eta minusbaliotasunaren gaineko kenkariak daude. Gogoan izan, gainera, kenkari horiek Gipuzkoako zerga-araudian daudela Bildu gobernatzen hasi baino lehen”.

Era berean, batzarkide jeltzaleak honakoa gogoratu du: “EAJ-PNV, PSE eta PP alderdien arteko akordioa, hain zuzen ere, Pertsona Fisikoen Errentaren gaineko Zergaren, Sozietateen gaineko Zergaren eta Oinordetzen gaineko Zergaren gaineko akordioa, ona da Euskal Herriarentzako”. Hortaz, EAJ-PNVren hautetsiak Bilduren jarrera kritikatu du, izan ere ez du gogorik izan gainerako alderdiekin adosteko.

Eider Mendozak, halaber, azaldu du, zerga-aldaketarekin EAJ-PNV, PSE eta PP bateratzea lortu nahi dutela, betiere lurralde bakoitzaren ezaugarriak errespetatuz. Hau da, esaterako, EAJ-PNVk Gipuzkoan zuzenketa egingo du, mendekotasunaren eta minusbaliotasunaren gaineko kenkariei eusteko.

Azkenik, Mendozak Bilduri segidakoa eskatu dio: “Oztopatzeari uzteko, bakarrik egoteari uzteko, zerga-itunarekin bat egiteko, eta jarrera aldatzeko, betiere gipuzkoarrak ez kaltetzeko”. EAJ-PNVren batzarkidearen iritziz, Bilduren aginteko Foru Aldundiak  Batzar Nagusietako oposizioko alderdiei zerga-aldaketa proposamena erretiratzeko eskatzeari utzi behar dio; izan ere, zerga-proposamenak herritar gehienen oniritzia du. Hori dela eta, Eider Mendozak Bilduri eskatu dio, jarrera aldatzeko eta gainerako alderdiekin hitz egiteko.