EAJ-PNV-K FORU ALDUNDIARI ESKATU DIO, ZERGA-ALDAKETEI BURUZKO INFORMAZIO KANPAINA EGITEKO BASERRITARRENTZAT ETA ARRANTZALEENTZAT.

Batzarkide jeltzale Igor Iturainek esan du, EAJ-PNV baserritar eta arrantzaleekin elkarlanean aritu dela zerga-politika hobea egiteko, betiere,  baserritarrek eta arrantzaleek Foru Aldundiarekiko duten komunikazio eza gaindituz.

EAJ-PNVren batzarkide taldeak Ogasuneko eta Finantzetako foru diputatu Helena Francori gaur eskatu dio, lehenbailehen baserritarrak eta arrantzaleak informatzeko, hain zuzen ere, Batzar Nagusiek onartutako zerga-aldaketari buruz informatzeko. Horren harira, batzarkide jeltzale Igor Iturainek foru diputatuari honakoa eskatu dio: “Lehenbailehen informazio kanpaina egiteko baserritarrentzat eta arrantzaleentat eta, besteak beste, gida bat egiteko zerga-aldaketak azaltzeko. Foru Aldundiak onuradunei segidako informazioa eman behar die: gastuen justifikanteak gordetzen jarraitu behar dituztela eta bere jarduerari buruz zerga-politika berriak izango dituen berrikutzak.

Era berean, Iturainen iritziz, EAJ-PNVren eta baserritarren eta arrantzaleen arteko elkarlanari esker lortu dira baserritarrei eta arrantzaleei laguntzeko zerga-aldaketak, betiere, baserritarrek eta arrantzaleek Foru Aldundiarekiko duten komunikazio eza gaindituz. Horrenbestez, EAJ-PNVren batzarkideak azaldu du, baserritarren eta arrantzaleen helburua honakoa dela: zerga-presioa ez handitzea. Eta helburu hori lortzeko EAJ-PNV elkarlanean aritu da baserritarrekin eta arrantzaleekin, izan ere lehenengo sektorea babestu behar da.

Igor Iturainek, halaber, segidakoa esan du: “egun, zerga-politikak kontuan izan ditu Europar Batasunaren laguntzak eta justifikatzeko zailak diren gastuen kudeaketa. Horiek guztiak dira sektorearen aspaldiko eskariak eta zerga-itunean daude. Beraz, baserritarrek zein arrantzaleek ez dute zergarik ordaindu beharko Europar Batasunatik jasotako laguntzengatik eta, gainera, justifikatzeko zailak diren gastuen batazbestekoa %35 izatea onartu da. Eta bataz besteko hori lehenengo transformaziorako ere bada (gazta egitea, etabar), hau da, sektoreak behin eta berriro eskatutakoa ere egiteko”.

Azkenik, hona hemen Igor Iturainen hitzak: “Ezinbestekoa da lehen sektorea antolatzea, berritzea eta arautzea. Zerga-itunean adostutako neurriei esker lortuko da helburua, hain zuzen ere, baserritarrentzat eta arrantzaleentzat oso ona izango den helburua”.