XABIER EZEIZABARRENA: “ESKOZIAKO PROZESUAK ERAKUSTEN DU EUSKADIN ERE ASKE ERABAKITZEKO PROZESU BAT EGITEA POSIBLE DELA”.

EAJ-PNVren batzarkideak honakoa adierazi du: “Badago alderik Espainia eta Eskoziaren artean. Estatu espainiarrak ez die herritarrei galdetu nahi, izan ere, ez du aintzat hartzen Espainia ez den beste naziorik. Eta, bitartean, Eskoziak lehenetsi ditu politika, demokrazia eta herritarrek bere etorkizuna erabakitzeko duten eskubidea”. 

Gipuzkoako Batzar Nagusiek Eskozia zoriondu dute gaur arratsaldean, irailaren 18an egindako demokrazia-ariketagatik. Orduan, eskoziarrek independentziaren gaineko erreferenduma egin zuten. Horren harira, EAJ-PNVren batzarkide Xabier Ezeizabarrenak honakoa azpimarratu du: “Eskoziak eta Erresuma Batuak esfortzu handia egin dute eskubide demokratiko baten ariketa egiteko, hain zuzen ere, erabakitzeko eskubidea. Eta prozesua modu oso naturalean egin dute eta erreferendumaren emaitza errespetatu dute”. 

Ildo beretik, Ezeizabarrenak segidakoa esan du: “Horretarako, Eskoziak eta Erresuma Batuak etengabe negoziatu dute akordioa egin arte eta, betiere, bi nazioaka existitzen direla aitortuta”. Hortaz, batzarkide jeltzaleak adierazi du Espainia eta Eskoziaren artean badagoela alderik: “Estatu espainiarrak ez die herritarrei galdetu nahi, izan ere, ez du aintzat hartzen Espainia ez den beste naziorik. Eta, bitartean, Eskoziak lehenetsi ditu politika, demokrazia eta herritarrek bere etorkizuna erabakitzeko duten eskubidea”.

Era berean, Xabier Ezeizabarrenaren ustez, Estatu espainiarran ez dute galdetu nahi eta, egun, adibidea Katalunian bertan dugu. Izan ere, Katalunian eztabaida zuzenbide arlora eraman nahi izan dute, eztabaida demokratikoa izan behar duenean. Eta horrek egiten ditu ezberdinak Espainia eta Eskozia. Gainera, Eskoziako prozesuak argi erakutsi du Euskadin ere aske erabakitzeko prozesu bat egitea posible dela.

Azkenik, hona hemen Ezeizabarrenaren hitzak: “Eskozian independentziaren gaineko gaiei buruz eztabaidatu dute. Hori dela eta Espainiako Gobernuari eskatzen diogu, Erresuma Batuko adibidea jarraitzeko eta, beraz, baimena emateko euskal hiritarrei bere etorkizunari buruz galdetuak izateko”. Era berean, Xabier Ezeizabarrenak aldarrikatu ditu euskal eskubide historikoak, hau da, erabakitzeko eskubidea eta gure herria eraikitzeko eskubidea”.