EAJ-PNV-K ERRAZKIN DIPUTATUARI ESKATU DIO, HERRITARREN ERABAKIA ERRESPETATZEKO.

Xabier Ezeizabarrena batzarkide jeltzaleak Iñaki Errazkini eskatu dio, “hondakinen kudeaketarako egungo araudia errespetatzeko. Gogoan izan, Batzar Nagusien gehiengoak beste behin ere babestu duela”. 

Iñaki Errazkinek ordezkatuko du Juan Carlos Alduntzin Ingurumeneko eta Lurralde Antolaketako foru diputatu karguan. Izendapena jakin ostean, Xabier Ezeizabarrena jeltzaleak Errazkini honakoa eskatu dio: “Hondakinen kudeaketarako egungo araudia errespetatzeko. Gogoan izan, Batzar Nagusien gehiengoak beste behin ere babestu duela”.

Era berean, Ezeizabarrenaren ustez, “Alduntzin diputatuaren aurkako zentsura-mozioak inflexio-puntua izan behar du, Foru Aldundiren hondakinen kudeaketa aldatzeko”. Horrenbestez, hautetsi jeltzaleak Ingurumeneko eta Lurralde Antolaketako foru diputatu Iñaki Errazkini eskatu dio, “Gipuzkoako Batzar Nagusien eta, ondorioz, gipuzkoarren nahia errespetatzeko”. 

Ildo beretik, Xabier Ezeizabarrenak Foru Aldundiari segidakoa gogoratu dio: “Azkeneko hilabeteotan plataformek jasotako sinadurek nahiz herri eta hirietan egondako kexuek zein elkarretaratzeek, argi uzten dute gipuzkoarrok atez atekoaren eta zabortegi berrien irekieraren aurka gaudela”. 

Hori guztia dela eta, Ezeizabarrenak honakoa azpimarratu du: “Espero dugu foru diputatu berriak orain arteko hondakinen kudeaketarako politika aldatzea eta, ondorioz, arazoari irtenbidea adostea”.