EIDER MENDOZA: “EZKER ABERTZALEAREN ERAKUNDE BORROKA DA EAJ-PNV-REN AURKA EGITEA KOSTA ALA KOSTA”.

EAJ-PNVren batzarkideak honakoa esan du: “Onartezina da ezker abertzaleak EAJ-PNVri bidegabeko erabiltzea egotzi izana. Beraz, baldin eta ezker abertzaleak frogarik badu, dagokion tokira eraman ditzala”.

Batzar Nagusietako apirileko osoko bilkura bero hasi da. EAJ-PNV batzarkide taldeak Martin Garitano diputatu nagusiari interpelazioa egin dio eta, bertan, eskatu dio, Larraitz Ugarte Mugikortasun eta Bide azpiegituretako foru diputatuaren jarrera eta adierazpenak zuzentzeko. Eider Mendoza batzarkide jeltzaleak gogoratu du, nahiz eta Larraitz Ugartek diputatu nagusi ohiari eskatu zizkion fakturak Bidegiko egoitzan gordeta eta kontabilizatuak zeuden, Ugartek Markel Olanori egotzi ziola faktura horiek etxera eraman izana – hori egitea delitua da zigor kodearen arabera –. Egun batzuk igaro ondoren, Larraitz Ugartek berak fakturak Bidegin zeudela aitortu zuen, baina ez zituen adierazpenak zuzendu ez barkamenik eskatu arrazoirik gabeko salaketa egiteagatik.

Ildo beretik, Mendozaren iritziz, oso larria da norbaiti egoztea fakturak etxera eraman izana, edota Bidegiko langileen ordenagailuak kontrolatu izana arerio politikoaren aurka egiteko edozer gauzaren bila. Horrenbestez, batzarkide jeltzaleak azpimarratu du, EAJ-PNVk ez duela onartuko horrelako jarrerarik, eta diputatu nagusiari segidakoa eskatu dio: “Ezker abertzalearen estrategia – hain zuzen ere, EAJ-PNVren aurka egiteko edozer gauzak balio du – ez babesteko”.

Era berean, Eider Mendozak diputatu nagusiari eskatu dio, pelikularik ez egiteko, estrategiarekin amaitzeko eta Foru Aldundia kudeatzeari behingoz ekiteko”. Hortaz, Mendozak segidakoa salatu du: “Nahiz eta, diputatu nagusiak bere burua eta Larraitz Ugarte foru diputatuarena zuritu nahi izan dituen eta gertatutakoa normala dela esan duen, hitz gogorrak eta salaketa oso larriak entzun behar izan ditugu. Baldin eta ezker abertzaleak frogarik badu, dagokion tokira eraman ditzala”.

Azkenik, EAJ-PNVren hautetsiaren ustez, “Martin Garitanok ezkutatu nahi izan dituen arren, azken aldian arrazoirik gabeko salaketak eta espioitza politikoaren antzeko jarrerak egon dira eta, horrek guztiak, arerioaren aurka egiteko estrategia bati erantzuten dio”. Hori dela eta, diputatu nagusiari eskatu dio, ustelkeria zantzuak mahai gainean jartzeari uzteko eta Foru Aldundia kudeatzeko”.