EAJ-PNV-K SALATU DU LARRAITZ UGARTE FORU DIPUTATUAK MANIPULATU ETA GEZURRA ESAN DUELA PORROT EGIN DUELA EZKUTATZEKO

Batzarkide-jeltzale Joseba Antxustegik Larraitz Ugarteri leporatu dio herritarren atentzioa besteratu nahi izana, babesik ez duela ezkutatzeko, hain zuzen ere, errepideen finantziazioa eta mantentze-lanak egiteko bere proposamenak inoren babesa ez duela ezkutatzeko. 

Mugikortasun eta Bide Azpiegituretako foru diputatu Larraitz Ugartek gaur goizean esan du EAJ-PNVk lehengo legealdian bankuekin ituna egin zuela Deskargan bidesaria jartzeko, betiere, Batzar Nagusietan akordiorik lortu gabe. Horren harira, EAJ-PNVren batzarkide-taldeak salatu du Larraitz Ugartek manipulatu eta gezurra esan duela porrote gin duela ezkutatzeko. Horiek horrela, batzarkide-jeltzale Joseba Antxustegik segidakoa esan du: “Beste behin, Mugikortasun eta Bide-Azpiegituretako foru diputatuak herritarren atentzioa besteratu nahi izan du, baina, dagoeneko, estrategia hori ez da sinesgarria, izan ere, Larraitz Ugartek ezkutatu nahi du bere proposamena babesik ez duela, hain zuzen ere, errepideen finantziaziorako eta mantentze-lanak egiteko proposamenak inoren babesa ez duela ezkutatzeko”.   

Ildo beretik, Antxustegiren ustez, Larraitz Ugartek nahita ezkutatu ditu lehengo legealdiko batzorde-txostengilearen ondorioak. Bertan, batzorde-txostengilearen ordezkariek zehaztu zituzten ibilgailuentzako bidesariak ezartzeko irizpideak, betiere ‘eraiki berriak diren errepideetan’ – hau da, autopista zein autobideetan –. Eta, hain zuzen ere, Deskarga errepide horien artean dago.  

Halaber, EAJ-PNVren batzarkideak honakoa zehaztu du: “Batzorde-txostengilearen ondorioetan segidako errepideak aipatzen dira: ‘ekialde-mendebalde korridorean, Zumarraga-Urretxu gauzatzen ari den bidezatia; Urretxu-Antzuola laster hastear dagoena; eta azken hau Bergarara iristeko jarraitutasun-proiektua, AP1 eta N-I errepideen arteko zeharkako lotunea bukatzeko’”.

Azkenik, Joseba Antxustegik azpimarratu du, EAJ-PNVren aginteko Foru Aldundiaren eta Bilduren aginteko Foru Aldundiaren kudeaketen arteko ezberdintasuna: “Lehengo legealdian, EAJ-PNVren foru gobernuak adostasuna lortu zuen errepideak finantzatzeko politikak egiteko; baina aitzitik, egun, Larraitz Ugarte Mugikortasun eta Bide Azpiegituretako foru diputatuaren proposamenak porrote gin du eta, hain zuzen ere, porrot hori ezkutatzeko Larraitz Ugarte manipulatu eta gezurra esan du”.