EAJ-PNV-REN IRITZIZ, BILDUK NAHITA EZKUTATU DU GIPUZKOAN BIDESARIAK ZEIN ZERGA BERRIA EZARTZEKO BENETAKO PLANA

Asteazkenean bide azpiegituren finantziazioari buruzko talde txostengilea iraila arte atzeratu zuten. Atzo, berriz, Larraitz Ugarte foru diputatuak proposamen berria aurkeztu zuen AP-8 eta AP-1 errepideen ordainketa sistemarako. 

EAJ-PNV batzarkide taldearen iritziz, Larraitz Ugarteren jarrera onartezina da; izan ere, egunero dituen ideia berriekin bere benetako proposamena ezkutatu nahi du: Gipuzkoa osoan bidesariak zein zerga berria ezartea.

Atzo, Mugikortasun eta Bide-azpiegituretako foru Diputatuak errespetua galdu zien Batzar Nagusiei nahiz batzarkideak talde txostengilean egindako lanari. Atzoko adierazpenak arduragabekeria dira eta argi uzten dute zein den bere benetako jarrera: talde txostengilearen ondorioak oztopatzea eta gipuzkoarroi bidesariak zein zerga berria ezartzea”.

EAJ-PNV batzarkide taldearen aburuz, Larraitz Ugarte, berriro ere, bat bateko erabakiak hartu ditu. Idazburuak baino ez zaizkio interesatzen. Batzar Nagusiek hainbat aldiz eskatu diote bide azpiegituren mantentze-lanetarako eta finantziaziorako proposamena aurkezteko, baina, diputatuak ez du oraindik ezer aurkeztu.

Dena den, atzoko iragarpenak Bidegiren kaudimena berretsi egiten du inbertsioei aurre egiteko; izan ere, foru diputatuaren proposamenarekin Bidegik 1,2milioi euro jasotzeari utziko dio. Honenbestez, agerian utzi du iraganean Bidegik finantziatutako obren gainean egindako adierazpenak faltsuak, arduragabeak eta funtsik abekoak zirela.

Azkenik, EAJ-PNV batzarkide taldeak eskatu du batzorde iraunkorra lehenbailehen deitzeko eta, bertan, Larraitz Ugarte Batzar Nagusietan agertzeko eskaera egiteko bere proposamenak aurkezteko.