EAJ-PNV-K EH BILDURI EGOTZI DIO GEZURRETAN ARITZEA ERREPIDEEN FINANTZIAZIOAREN GAINEAN.

Aintzane Oiarbide jeltzalearen ustez, “Bilduk bere benetako plana izkutatzen jarraitzen du; hau da, ez dio herritarrei esan nahi errepideak erabiltzeagatik zerga berria ezarri nahi duela”. 

Gaur goizean egindako prentsaurrekoan, EH Bilduk EAJ-PNVri honakoa egotzi dio: Gipuzkoako autopistak erabiltzeagatik gehienez 25 euro ordaintzeko neurria oztopatzen ari da. Horren harira, Aintzane Oiarbide jeltzaleak segidakoa esan du: “EH Bilduk aukera galdu du herritarrei azaltzeko zein den errepideak finantziatzeko bere benetako eredua”.

Ildo beretik, Oiarbideren aburuz, “EH Bilduk bere benetako plana izkutatzen jarraitzen du hauteskundeak direla eta; hau da, ez dio herritarrei esan nahi errepideak erabiltzeagatik zerga berria ezarri nahi duela”.

Horrenbestez, Aintzane Oiarbideren iritziz, “EH Bilduren ordezkariak oso urduri daude gai horri buruz gezurretan aritzeko; izan ere, EAJ-PNVk argi utzi du 25 euroren neurriaren aldeko jarrera eta, era berean, Foru Aldundiari eskatu dio Etxegaraten kamioientzako bidesaria jartzeko, aldundiaren diru-kutxan diru-sarrera handia izango duelako”.