4 de octubre de 2012

EAJ-PNV-K ESAN DU EKONOMIA SUSTATZEKO FORU ARAUA EGITEKO PROZESUA ABIAN DELA.



Markel Olanoren ustez, “foru arau proposamena da oposizio arduratsuaren sinonimoa eta, gainera, Gipuzkoako gizarte- zein ekonomia-etorkizuna adierazteko balio du”. 



EAJ-PNV batzarkide taldearen bozeramaile Markel Olanok eta Eider Mendoza batzarkideak prentsaurrekoa egin dute gaur goizean Gipuzkoako Batzar Nagusietan. Bertan, ekonomia sustatzeko Foru Arau proposamena egiteko dinamika aurkeztu dute. Eider Mendozaren iritziz, “Gipuzkoak ekonomia sustatzeko foru araua behar du, izan ere Foru Aldundiak ez du ezer egin nahi”.

Mendozak azaldu duenez, “Adegik esan duenez, egoerak okerrera egin du: exportazioek %15 behera egin dute; industria-produkzio indizeak ere %10,4 behera egin du; Gipuzkoan kotizatzen duten 2.000 enpresak atea itxi dute; 7.000 lanpostu galdu dira eta, gainera, 2013an 50.000 langabetu egongo direla aurreikusten da. Laburbilduz, datu larriak dira, hain zuzen, 1.999.urtera bueltatzen gaituztenak”.

Honenbestez, batzarkide jeltzaleak honakoa gogoratu du: “2011ko irailean proposamena aurkeztu genuen, Foru Aldundiak otsailean hitzarmen-mahaia osatzeko, alderdi politiko, sindikatu eta enpresekin. Helburua honakoa zen: ekonomia sustatzeko plana egitea. Hala ere, Garitanok ez du egin eta gure bozeramaile Markel Olanok irailean berriro galdetu zionean, diputatu nagusiak segidakoa erantzun zion: ‘Ez dugu egingo ez dutelako ezertarako balio’”.

Ildo beretik, EAJ-PNV batzarkide taldearen bozeramaile Markel Olanok ondorengoa azpimarratu du: “Bilduren gobernuak ez ditu beteko ebazpen proposamenak, nahiz eta Batzar Nagusien gehiengoaren borondatea argi geratzen den. Ondorioz, foru araua erabiliko dugu, izan ere Exekutiboarentzat lotesleta da”. Hortaz, Olanok iragarri du, “ekonomia sustatzeko foru araua egiteko prozesua abian dela”.

Era berean, Markel Olanok azaldu duenez, prozesuak lau fase izango ditu: “Lehenik, EAJ-PNVk lantaldea osatu du, erakundeetako ordezkariekin eta gizarte-, ekonomia- zein justizia-arloko adituekin. Taldearen helburua oinarrizko dokumentua egitea da, honako ordezkariekin landu ahal izateko: sindikatu, enpersari eta finantza entitate garrantzitsuenak; Gipuzkoako Bazkundea; merkatarien elkarteak; kooperazioare arloa, edota hirugarren sektoreko ordezkari eta elkarteak. Bigarren fasean, aipatutako ordezkariekin bilerak egingo dira – azaroan hasiko dira – eta ekarpenak jasoko dira. Hirugarrenik, bilerak amaitutakoan, abenduaren amaieran, dokumentua jendarteratzeko jardunaldia egingo da eta, azkenik, ekonomia sustatzeko Foru Arauaren artikuluak idatziko dira”.

Ildo beretik, jeltzaleen eledunaren aburuz, “lan egiteko modu hau oposizio eraginkor eta arduratsuaren sinonimoa da eta, gainera, Gipuzkoako gizarte- zein ekonomia-etorkizuna adierazteko balio du”.

EAJ-PNVren bozeramaileak, halaber, honakoa esan du: “Ooso garrantzitsua da baliabideak izatea Foru Aldundiaren gobernuaren estrategia baldintzatzeko eta, ondorioz, Batzar Nagusien gehiengoak onartutakoa errespetatzeko. Izan ere, Bilduk ez du adostutakoa aintzat hartzen eta hori oso larria da. Jarrera hori ez badugu ekiditen gipuzkoarrok pairatuko dituzte gobernu ezaren ondorioak. Beraz, uste dugu Foru Aldundiak egoera larriari aurre egiteko duen guztia egin behar duela, baina aitzitik, momentuz ez da ezer egiten ari”.

Amaitzeko, Markel Olanoren aburuz, “foru arau proposamena egitea eta aurrekontuan ekonomia-arloko ekarpenak egitea estrategia bateragarriak dira. Hala ere, gure ustez, lehenengoa da eraginkorrena, izan ere, loteslea da”. Horrenbestez, segidakoa azpimarratu du: “Ekonomia sustatzeko ekimen guztiak babestuko ditugu, jarrera heldua dugulako eta, gainera, uste dugulako arlo horretan hartzen diren neurri guztiak onak direla”.

No hay comentarios:

Publicar un comentario