EAJ-PNV OPOSIZIOKO TALDEEKIN NEGOZIATZEKO PREST DAGO, GIPUZKOAKO AURREKONTUA ERRAUSKETA-INSTALAZIOA IZATEKO

Markel Olanok azaldu du, oposizioko taldeei proposamena bidali diegula,foru arauan eta Gipuzkoako Hiri Hondakinen Kudeaketarako Plangintza Orokorrean (PIGRUG) aurreikusitako azpiegiturak bermatzeko.

EAJ-PNV batzarkide taldearen bozeramaile Markel Olanok esan du, bere taldea prest dagoela oposizioko beste alderdiekin negoziatzeko, eta bereziki PSE-rekin, Gipuzkoako aurrekontua errausketa-instalazioa izateko. Olanok azaldu duenez, “gure nahia honakoa da: aurrekontuan kontuan hartzeko 7/2008 Foru Arauan eta PIGRUG-en adostutako azpiegiturak”.

Era berean, jeltzaleen bozeramaileak segidakoa azpimarratu du: “Oposizioko taldeei proposamena egin diegu foru arauan aurreikusitako azpiegiturak bermatzeko, besteak beste, hondakinen tratamentua ixteko balorizazio energetikorako instalazioa”. Horrenbestez, Markel Olanoren iritziz, “sortu diren zalantzak bertan behera gelditzen dira”.

Halaber, Olanok adierazi du, “prest gaudela oposizioko beste taldeekin aurkeztutako proposamena lantzeko eta, beraz, PIGRUGen aurreikusitako azpiegituren gainean Batzar Nagusiek behin eta berriro adierazitakoa errespetatzeko”.

Gainera, EAJ-PNV batzarkide taldearen bozeramailearen aburuz, “hondakinen kudeaketa garrantzi handiko gaia da eta, ondorioz, oposizioko alderdiek sendo jarraitu behar dugu, eztabaidarik izan gabe. Hori dela eta, gure ustez, zuzenketen bozketan argi eta garbi utzi behar dugu orain arte gai honetan lortu ditugun akordioak”.

Azkenik, Markel Olanok honakoa gogoratu du: “Osoko zuzenketarik ez dugu proposatu eta, beraz, Foru Aldundiarekin eta oposizioko taldeekin negoziatzeko prest gaude aurrekontuen zuzenketen prozesuarekin jarraitzeko, ekonomia- eta gizarte-egoera larriari aurre egiteko”.