EAJ-PNV-REN USTEZ, GIPUZKOAK KRISIARI AURRE EGITEKO PLANAK BEHAR DITU.

Jeltzaleen batzarkide taldearen bozeramaile Markel Olanok esan du, Martin Garitano diputatu nagusiak ez duela aurkeztu, oraindik, ez krisiari aurre egiteko ekimenik, ez Gipuzkoako ekonomia sustatzeko estrategiarik”. 

EAJ-PNV batzarkide taldearen bozeramaile Markel Olanok gogoratu du, gaur goizean, EAJ-PNVk Gipuzkoako ekonomiaren garapena bultzatzeko adostutako 7.600.000 euroko aurrekontu-sailaren alde egin zuela. Dena dela, Olanoren ustez, ezinbestekoa da gizartearen, ekonomiaren eta politikaren eragileen arteko elkarlana krisiari aurre egiteko, nahiz eta Bilduk ez duen horrelakorik egin nahi”.

Horrenbestez, jeltzaleen batzarkide taldearen bozeramaileak honakoa esan du: ”EAJ-PNVk jarraitzen du ekonomia sustatzeko foru araua egiteko dokumentua gizartearen eta ekonomiaren eragileei aurkezten”. Ekimen horrek, Markel Olanoren iritziz, “eragileen babesa jaso zuen ekonomiaren garapenerako talde txostengilean. Beraz, EAJ-PNV oposizio eraginkorra egiten ari da, Gipuzkoako ekonomiaren eta gizartearen etorkizuna finkatzeko”. 

Era berean, Olanok segidakoa gogoratu du: “Bilduk ez du krisiari aurre egiteko planik egin nahi, beraz, EAJ-PNVk Ekonomia Sustatzeko Foru Araua proposatzeko erabakia hartu du. Arau horrek Foru Aldundia behartuko du krisiari aurre egiteko planak egitera”. Hortaz, jeltzaleen batzarkide taldearen eledunak salatu du, Foru Aldundia ez dela ezer egiten ari egoera larriari aurre egiteko. Horregatik guztiagatik, Markel Olano kezkatua dago, Bilduren aginteko Foru Aldundiaren lidergo falta dela eta: “Ezinbestekoa da Foru Aldundiak ekonomia sustatzeko plana egitea; izan ere, hori eginez gero, enpresak eta langileak babestuko ditu”. 

Halaber, Olanok Gipuzkoako enpresen garrantzia azpimarratu du: “Gipuzkoako enpresak lurraldearen ekonomiaren eragileak dira, nahiz eta Bilduk iritzi hori saihestu nahi duen. Horregatik, ezinbestekoa da Foru Aldundiak enpresei laguntzea, gazteei enplegua lortzen laguntzea eta berrikuntza zein ekonomia gure herritik kanpora garrantzitsua izateko politikak egitea”.

Azkenik, hona hemen EAJ-PNV batzarkide taldearen bozeramailearen hitzak: “Gipuzkoako ekonomiaren eta gizartearen eragileen proposamenak eta iritziak jasotzen ditugunean, Ekonomia Sustatzeko Foru Araua egingo dugu eta Bildu behartuko dugu, 2014ko aurrekontuan krisiari aurre egiteko planak atal berezia izan dezan”.