XABIER EZEIZABARRENA: “ARDURAGABEKERIA DA FORU ALDUNDIA EKONOMIA- ETA JUSTIZIA-AURREIKUSPENIK EZ IZATEA, BALDIN ETA ERRAUSKETA-INSTALAZIOA BEHIN BETIKO GELDITZEN BADA”.

EAJ-PNVren batzarkideak Martin Garitano diputatu nagusiari eskatu dio, azaltzeko PIGRUG plangintzan eta indarrean dagoen Foru Arauan hondakinen tratamendua ixteko aurreikusitako azpiegituren gauzatze maila.

Iñaki Errazkin Ingurumeneko foru diputatua Batzar Nagusietan agertu da eta, bertan, Foru Aldundiak errausketa-instalazioaren enpresei eman beharreko kalte-ordainei buruz erantzun behar izan du, baldin eta errausketa-instalazioa behin betiko gelditzen bada. EAJ-PNVren batzarkide Xabier Ezeizabarrenak, taldearen kezka adierazi du, izan ere Foru Aldundiak ez du, oraindik, ez ekonomia-aurreikuspenik, ez aurreikuspen juridikorik.

Horren harira, Ezeizabarrenak komunikabideei honakoa esan die: “Beste behin ere, Foru Aldundiak ez du erantzun zehatzik eman eta gaia oso garrantzitsua da. Oraingoan, Bilduren aginteko Foru Aldundiaren jarrera arduragabea izan da, izan ere ez du aurreikusi zer gertatuko den errausketa-instalazioa eraikitzen ari diren enpresei eman beharreko kalte-ordainekin, betiere, baldin eta errausketa-instalazioa ez bada egiten – eta, dagoeneko, Bilduk erabaki hori hartuta du –“.

Era berean, Xabier Ezeizabarrenaren iritziz, argi gelditu da, berriro ere, Bilduk ez duela aintzat hartuko Batzar Nagusien gehiengoaren nahia eta alderdien arteko adostasunak apurtuko dituela; izan ere, gogoan izan, 2013ko aurrekontuan errausketa-instalazioa egiteko 17 milioi euro adostu zirela. Dena den, Ezeizabarrenaren ustez, larriagoa da, ordea, Bilduk bere eredua ez zehaztu izana: ez du Batzar Nagusietan erregistratu, bertan, alderdiek iritzia emateko, eztabaidatzeko eta erabakitzeko.

Azkenik, EAJ-PNVren batzarkideak segidakoa gogoratu du: “Martin Garitanori idatziz galdetu diogu azaltzeko azaltzeko hondakinen tratamentua ixteko Foru Arauan eta PIGRUG plangintzan aurreikusitako azpiegituren eraikuntza zertan den. Izan ere,  oso garrantzitsua da jakitea nola erabili den Batzar Nagusien gehiengoak adostutako aurrekontu-saila”.