EAJ-PNV-K BABESTU DU ONKOLOGIKOA ETA DONOSTIAKO OSPITALEAREN FUNTZIOEN BATERATZEA

Eider Mendoza jeltzalearen ustez, helburua da arreta-zerbitzu homogneoa, bakarra eta kalitatezkoa ematea.

Onkologikoaren egoera eztabaida-gaia izan da gaur Batzar Nagusietako osoko bilkuran. EAJ-PNVren batzarkide Eider Mendozak eskatu du, Onkologikoari buruzko alarma mezuak ez egiteko. Izan ere, Jon Darpon Osasun sailburuak argi utzi du: Onkologikoa Gipuzkoarako beharrezko eta puntako baliabidea da.

Ildo beretik, Mendozak honakoa esan du: “EAJ-PNVren nahia segidakoa da: Onkologikoa eta Donostia Ospitalearen artean elkarlana egotea onkologia sailan. Horretarako, EAJ-PNVk, lehenik, Osasun sailburuordea Onkologikoa kudeatzen duen partzuergoaren baitan egotea lortu du; bigarrenik, Onkologikoari segurtasuna eta oreka emateko hitzarmena sinatzeko konpromisoa hartu du, eta hirugarrenik, bi ospitale horien arteko baliabideen funtzioen integrazioa egiteko prozesuari hasiera eman dio”.

Horrenbestez, batzarkide jeltzaleak proposatu du, Onkologikoaren eta Donostia Ospitalearen onkologia zerbitzuen bateratzea, elkarlanean aritzeko. Horiek horrela, informazio klinikoa partekatzen hasi dira, dagoeneko”. Hortaz, Eider Mendozaren aburuz, Eusko Jaurlaritzak legealdi berriari ekin zionetik pauso zehatzak egin dira zerbitzua egoki koordinatzeko eta hobetzeko.  

Era berean, Mendozak segidakoa azpimarratu du: “PSEk erabaki zuen gaixoak ez bidaltzea Osakidetzatik Onkologikora. Erabaki hori izan da, hain zuzen ere, Onkologikoaren jarduera gutxitu duena, nahiz eta, orain, PSEk berak alarma-hotsa eman nahi duen”.

Halaber, EAJ-PNVren batzarkideak Bilduri eskatu dio, baldin eta uste badu zerbitzu publikoak hobetzen direla zuzeneko kudeaketarekin, Foru Aldundiak bere gain hartzeko hitzartuta dituen zerbitzu publiko guztiak, besteak beste, zaharren egoitzak eta eguneko zentroak.

Azkenik, hona hemen Eider Mendozaren hitzak: “Helburua honakoa da: kalitatezko onkologia-zerbitzua ematea Donostia Ospitalaren eta Onkologikoaren artean. Herritarrei zor zaielako, beraien osasuna zaintzeko”. Amaitzeko, Mendozak Bildu, Aralar eta PSE alderdie eskatu die, herritarrei alarma mezuak emateko, izan ere mezu horiek ez diete mesederik egiten, eta akordioaren alde egiteko, ona izango delako Gipuzkoarentzat, herritarrentzat, Osakidetzarentzat eta Onkologikoarentzat.