EAJ-PNV-K FORU ALDUNDIARI ESKATU DIO, INBIOMED-I 400.000 EUROKO DIRU-LAGUNTZA EMATEKO 2013.URTEA AMAITU BAINO LEHEN.

Jeltzaleen batzarkide-taldearen bozeramaile Markel Olanok Foru Aldundiari eskatu dio, Bildu eta EAJ-PNV alderdien arteko akordioa betetzeko, hain zuzen ere, defizitaren banaketaren 18 milioi euroen gaineko Foru Arauari buruzko EAJ-PNVren eta Bilduren arteko akordioa betetzeko.

Gipuzkoako Foru Aldundiaren bozeramaile Larraitz Ugartek asteartero bezala prentsaurrekoa egin du. Bertan, Ugartek, beste gai batzuren artean, Inbiomed-en egoerari burzuko gogoeta egin du. Behin Larraitz Ugarteren hitzak entzunda, EAJ-PNV batzarkide-taldearen bozeramaile Markel Olanok honakoa esan du: “Onartezina da Bilduren aginteko Foru Aldundiaren jarrera, izan ere, Eusko Jaurlaritzari eta Kutxabak-i Inbiomed-ekiko konpromiso falta leporatu die”.

Horren harira, Olanoren ustez, Foru Aldundiak segidakoa ezkutatu du: “Alde batetik, Foru Aldundiaren konpromiso eza Inbiomedekiko, izan ere, 2014ko aurrekontuan ez du sailik egin Inbiomedentzako – gogoan izan, Foru Aldundia Inbiomeden patronatuaren kide dela –. Eta bestetik, Bilduk erakundeen arteko liskarra bilatu du eta bere ohiko jarrera bihurtu du. Ondorioz, alderdien arteko eta erakundeen arteko harremanak gaiztotu dira, hain zuzen ere, Gipuzkoa eta Euskal Herria bultzatzeko ezinbestekoak diren harremanak gaiztotu dira”.  

Gainera, Larraitz Ugartek adierazi du, Foru Aldundiak, orain, Inbiomedi 150.000 euroko diru-laguntza emango diola, eta beste 250.000 euroko diru-laguntza baldintzatuko duela erakundeen arteko elkarlanera. Gogoan izan, 400.00 euroko diru-laguntza 18milioi euroko defizitaren malgutzearen ondorioa dela. Adierazpenoi erantzuteko, EAJ-PNV batzarkide-taldearen bozeramaileak Foru Aldundiari honakoa eskatu dio: “Bildu eta EAJ-PNVren arteko akordioa betetzeko, hain zuzen ere, defizitaren banaketaren 18 milioi euroak banatzeko akordioa betetzeko. EAJ-PNVren ustez, 250.000 euro gordetzea akordioa ez betetzea da. Gogoan izan, hasieran, Foru Aldundiak 300.000 euroko diru-laguntza proposatu zuela Inbiomedentzat, eta EAJ-PNVk Bildurekin adostu zuela diru-laguntza horri beste 100.000 euro gehitzea”. 

Hori dela eta, Markel Olanok Bilduren aginteko Foru Aldundiari eskatu dio, Inbiomedi 400.000 euroak bere osotasunean emateko 2013.urtea amaitu baino lehen, betiere, Bildu eta EAJ-PNVren arteko akordioa errespetatuz”. Horrenbstez, Olanok adierazi du, ulertezina izango zela Eusko Jaurlaritzak ez-ohiko 400.000 euro ematea eta, bitartean, Foru Alundiak 250.000 euro gordetzea, nahiz eta, Batzar Nagusietan Inbiomedi 400.000 euro emateko Foru Araua onartu den. Beraz, Markel Olanok Bilduren hipokresia salatu du, izan ere, gainerako alderdiekin jarrera oldarkorra izan du eta ez du Inbiomedekiko konpromisorik izan.