EAJ-PNV-K LARRAITZ UGARTERI ESKATU DIO, ONARTZEKO KALE EGIN DUELA ETA BIDESARIEN GAINEKO PROPOSAMENA ERRETIRATZEKO

Batzarkide-talde jeltzaleak hurrengo astean osoko zuzenketa egingo dio Foru Arau proposamenari, hain zuzen, N-I, A-15, N-121-A eta GI-632 errepideetan arkuen bidezko  bidesarien sistema ezartzeko Foru Arau proposamenari.

EAJ-PNV batzarkide taldeak eta Mugikortasun eta Bide Azpiegituretako foru diputatu Larraitz Ugartek bilera egin hutu Foru Aldundiaren bidesarien gaineko proposamenari buruz hitz egiteko. Behin bilera amaituta, Aintzane Oiarbidek Larraitz Ugarte foru diputatuari eskatu dio, kale egin duela onartzeko eta bidesarien gaineko proposamena erretiratzeko. Hortaz, Oiarbidek segidakoa esan du: “Larraitz Ugartek ez zuen kontra egin eta onartu zuen Bidegi sozietate publikoa kaudimenduna dela, ekonomia-, tekinko- eta finantza-txostenek dioten bezala. Are gehiago, txosten horiek publikoak dira, nahiz eta Larraitz Ugartek berak hedabideen aurrean kontrakoa esan duen. Gainera, Bilduren aginteko Foru Aldundiaren 2014ko aurrekontu proposamenean agerian gelditzen da Bidegi kaudimenduna dela. Beraz, Mugikortasun eta Bide Azpiegituretako foru diputatuari aitzakiak amaitu zaizkio, hain zuzen ere, azkeneko bi urte eta erdian errealitate faltsua irudikatzeko erabili dituen aitzakiak amaitu zaizkio”.   

Horren harira, EAJ-PNVren batzarkideak salatu du, Larraitz Ugartek Foru Aldundia eta errepideen kudeaketa erabili dituela arerio politikoari eraso egiteko. Eta, orain, eragileek, sindikatuek, alderdi politikoek eta gertuko lurralde historikoek zein autonomia erkidegoek gogor erantzun diote, hain zuzen ere, Larraitz Ugarteren arrakastarik gabeko politikari gogor erantzun diote. Beraz, Ugarte foru diputatuak liskarra baino ez du lortu eta akordioa eta adostasuna oztopatu ditu. 

Era berean, Aintzane Oiarbidek Mugikortasun eta Bide Azpiegituretako foru diputatuari segidakoa eskatu dio: “Zorrotza izateko eta bidesarien gaineko proposamena erretiratzeko. Larraitz Ugarte oso urduri dago, izan ere, inork ez du bere plangintzarekin bat egin”. Horrenbestez, EAJ-PNVren batzarkideak Ugarteri zorroztasuna eskatu dio Bidegiren kaudimenaren gaineko txostenak egiteko orduan eta, halaber, sozietatearen egoerari buruzko interpretazio maltzurrik ez egiteko. Izan ere, agerian gelditu da Bidegi kaudimenduna dela eta azkeneko urteetan egindako inbertsioei aurre egiteko gai dela. Hori dela eta, EAJ-PNVk Larraitz Ugarteri eskatu dio bidesarien gaineo Foru Arau proposamena erretiratzeko, kale egin duela onartzeko eta lehengo legealdiko tarifak ezartzeko talde-txostengilearen ondorioak kontuan hartzeko, baldin eta Ugartek Gipuzkoarentzako akordio onak lortu nahi baditu.

Oiarbidek, halaber, honakoa salatu du: “Larraitz Ugarteren kudeaketa oso eskasa da eta gipuzkoarrek garesti ordainduko dute. Eskaintza publikoa atera du bidesariak kobratzeko arkuak jartzeko, hain zuzen ere, gizartearen eta politikaren eragileek baztertzen dituzten arkuak. Beraz, Larraitz Ugartek kale egingo duen sistema erosi du eta, horrek, administrazio-xahutzea eragin du, izan ere, kostua oso handia izan da eta lehenago edo beranduago jakingo dugu. Hortaz, foru diputatua erakundea kaltetzen ari da, hain zuzen ere, orain arte egoki kudeatutako erakundea kaltetzen ari da. Hau da, Foru Aldundiaren ospe ona kaltetzen ari da”.

Gainera, jeltzaleen hautetsiaren iritziz, Etxegaraten bidesaria ez jartzeak – gogoan izan, egunero 10.000 kamioik Gipuzkoa zeharkatzen dutela – garesti ateratzen ari zaiola Foru Aldundiari, izan ere, ez ditu jaso milioika euro, hain zuzen ere, errepideak finantziatzeko eta mantentze-lanetarako milioika euro.

Azkenik, Aintzane Oiarbidek segidakoa aditzera eman du: hurrengo astean, EAJ-PNVk osoko zuzenketa egingo dio Foru Arau proposamenari, hain zuzen, N-I, A-15, N-121-A eta GI-632 errepideetan arkuen bidezko  bidesarien sistema ezartzeko Foru Arau proposamenari.