EAJ-PNV-K FORU ALDUNDIARI ESKATU DIO, BERE GAIN HARTZEKO SENIDEAK ZAINTZEKO PRESTAZIOA

Batzarkide jeltzale Eider Mendozak Gizarte Politikako foru diputatu Ander Rodriguezi esan dio ez dela espero bezala aritu, eta honakoa eskatu dio: “Lehentasuna emateko pertsonen arretari, akordioak egiteari eta ez, ordea, liskarra sortzeari”.

Senideak zaintzeko prestazioari buruz eztabaidatu dute batzarkide-taldeek gaurko osoko bilkuran. EAJ-PNV, Bildu eta Aralar taldeek akordioa lortu dute eta Gipuzkoako Foru Aldundiari honakoa eskatu diote: Zaintzaile guztiei bermatzeko senideak zaintzeko prestazioa hasieratik kobratzeko, orain arte egin duen bezala.

Horren harira, EAJ-PNVren batzarkide Eider Mendozak gogorarazi du “Mendekotasunaren gaineko Legea Espainiako lege bat dela. Are gehiago: Espainiako legeak dio urtebete egon behar dela senidea zaintzen prestazioa jasotzeko. Baina aitzitik, Gipuzkoako, Bizkaiko eta Arabako foru aldundiek ez dute legea betetzen, izan ere, mendekotasunaren gaineko prestazioa Euskadin eskatu dutenek hasieratik kobratzen dute. Eta foru aldundiek hartu dute bere gain kostua”. Hortaz, Mendozak Gizarte Politikako foru diputatu Ander Rordiguezen jarrera salatu du, izan ere herritarrak beldurtzen ari da eta polemika sortzen ari da eztabaidarik ez dagoen gaian”.

Era berean, batzarkide jeltzaleak Gizarte Politikako foru diputatuari esan dio ez dela espero bezala aritu eta honakoa eskatu dio: “Lehentasuna emateko pertsonen arretari, akordioak egiteari eta ez, ordea, liskarra sortzeari”. Hortaz, Eider Mendozak Ander Rodrigezi eskatu dio, lan egiteko egungo gizarte-zerbitzuak mantentzeko – gogoan izan, EAJ-PNVk hasitako sistema dela –, gizarte-zerbitzuak garatzen jarraitzeko eta pertsonei zerbitzua emateko.

Mendozak, halaber, lortutako akordioari jarraituz, Gizarte Politikako foru diputatuari honakoa eskatu dio: “Gizarte-zerbitzuetako erakundeen arteko organoan segidako proposamenari uko egiteko: prestazioa jasotzeko urtebete senidea zaintzen egoteko proposamena”.

Azkenik, EAJ-PNVren batzarkideak gogorarazi du, Espainiako Gobernuaren erabakia izan dela prestazioa murriztea eta ez, ordea, Eusko Jaurlaritzarena. Izan ere, Espainiako Gobernuak Eusko Jaurlaritza behartu du murrizketa hori ezartzera Gizarte-Zerbitzuetako Legean. Hala ere, foru aldundiek dute azken hitza. Eta, beraz, Ander Rodriguezi eskatzen diogu polemika gehiago ez sortzeko eta prestazioa hasieratik mantentzeko, orain arte egin duen bezala.