EAJ-PNV-K FORU ALDUNDIARI ESKATU DIO 2013KO AURREKONTUAREN SOBERAKINAREN ZATI BATEKIN KUTXABANK-EKO AKZIOAK EROSTEKO, BETI, BEHARREZKOA BADA

EAJ-PNVren batzarkide taldeak proposatu du 2013ko soberakina erabiltzea  segidako proiektuetan inbertsioak egiteko: Pasaiako birsorkuntza, Bidasoako eskualdea eta Carlos I bidearen eraistea. 

EAJ-PNVren batzarkide taldeak bost zuzenketa egin dizkio honako Foru Arau proiektuari: 2013ko aurrekontuaren soberakina inbertsioak egiteko erabiltzeko Foru Araua proiektuari. Foru arauak segidako helburua du: Gipuzkoan ezohiko gastuak eta inbertsio estrategikoak egitea eta, horretarako, konpromiso-kredituak eta kreditu gehigarriak onartzea. Hortaz, EAJ-PNVren batzarkide taldeak Bilduren aginteko Foru Aldundiari eskatu dio, 2013ko aurrekontuaren soberakina erabiltzeko segidakoa egiteko: inbertsioak egiteko Pasaiako birsorkuntzan, Carlos I bidea eraisteko proiektuan eta Bidasoako eskualdean, eta, era berean, beharrezkoa bada, Kutxabank-eko akozioak erosteko. 

Horren harira, Markel Olanok honakoa azaldu du: “EAJ-PNVk Bilduren aginteko Foru Aldundiari proposatu dio, Kutxabank-eko akzioak erosteko, baldin eta aurrezki kutxen eta banku-fundazioen lege berriak behartuta Kutxak Kutxabank-en duen partaidetza saldu beharko balu, eta ,beti, Banco de Españak  onartu beharko duen  geroko Kutxa banku-fundazioak aurkeztu beharko lukeen finantza-planaren arabera. Ekimenaren helburua da Kutxak mantentzea partaidetzaren ehuneko ehun oraingo lege- eta finantza-baldintzak kontuan hartuta”.

Pasaiako birsorkuntzari buruz, Olanok azpimarratu du, EAJ-PNVren batzarkide taldearen zuzenketak segidako proiektuak egiteko direla: Escalerrillas delako eremuan igogailua egiteko proiektuaren idazteko eta egiteko; Herreran EuskoTren geltokiaren eta Azkueneren arteko lotura egiteko; Lezo eta Donibane arteko bidegorria egiteko; eta Molinao Parkearen hirugarren fasearen proiektua idazteko eta egiteko”. Batzarkide-talde jeltzalearen bozeramailearen iritziz, ekimen horiekin guztiekin Pasaia inguruko herritarren bizi-kalitatea hobetuko da eta, era berean, Pasaiako badiaren birsorkuntzarako aurrerapausoak egingo dira.

Era berean, Markel Olanok gogorarazi du, Bilduk ez zuela 2014ko aurrekontuan aurrekontu-sailik egin Donostiako Carlos I bidea eraisteko bi proiektu egiteko: “Hori dela eta, behin 2013ko aurrekontuaren soberakina inbertsioak egiteko edukita, uste dugu soberakinaren zati bat Carlos I bidearen eraisteko izan behar duela, eta zehatzago esanda, Martuteneko biribilgunea konpontzeko proiektua egiteko eta Marrutxipi eta Urumeako saihesbidearen arteko lotura egiteko proiektua egiteko”.  

Olanok, halaber, aditzera eman du, EAJ-PNVk Bilduren aginteko Foru Aldundiari proposatu diola, 250.000 euroko aurrekontu-saila egiteko Txingudiko paduran Irun, Hondarribia eta Hendaia lotzeko bidegorria egiteko. Horren harira, Markel Olanok honakoa esan du: “Gure asmoa da Foru Aldundiak ere Eusko Jaurlaritzak hartutako konpromisoa hartzea eta azpiegitura horretan inbertsioa egitea. Izan ere, azpiegitura hori herriarentzako ona da, Txingudiko badiaren hiru udalerrien arteko harremanak eta loturak hobetuko dituelako.

Azkenik, EAJ-PNVren batzarkide taldeak Foru Aldundiari proposatu dio, 2013ko soberakinaren zati bat gizarte politikarekin lotura zuzena duten azpiegituretan inbertsioak egiteko. Talde jeltzalearen bozeramaileak adierazi du, behin Bidasoako eskualdean mendekotasuna duten adineko pertsonen egoitzetan lekua lortzeko itxarote-zerrenda ikusita, Foru Aldundiari segidakoa eskatu diotela: egoitzetan itunduko leku gehiago egiteko aurrekontu-sailari 100.000 euro gehitzeko.