EAJ-PNV-K OHARTARAZI DU, BILDU-K ARRISKUAN JARRI DUELA GIPUZKOAKO GIZARTE POLITIKEN EREDUAREN BIZI-IRAUTEA

Batzarkide-talde jeltzalearen bozeramaile Markel Olanok aditzera eman du, EAJ-PNVk bilerak egingo dituela gizarte politikako Gipuzkoako hirugarren sektorearen ordezkariekin. Eta bilera horien helburua honakoa da: Gizarte politikan lan egiten duten ordezkarien iritzia ezagutzea eta EAJ-PNVren kezka adieraztea.

EAJ-PNVren batzarkide taldearen bozeramaile Markel Olanok, batzarkide jeltzale Eider Mendozak eta Elgoibarko alkate Alfredo Etxeberriak prentsaurrekoa egin dute gaur goizean. Bertan, jeltzaleek honakoa ohartarazi dute: “Bilduk arriskuan jarri du Gipuzkoako gizarte politiken ereduaren bizi-irautea”. Horiek horrela, batzarkide-talde jeltzalearen bozeramaile Markel Olanok esan du, Kabia ez dela 16 udal zahar-egoitzen eskumena bereganatzeko tresna, izan ere, ez da eraginkorra eta helburu bakarra du: gizarte zerbitzuen eredua aldatzea eta, ondorioz, Gipuzkoako gizarte zerbitzu guztiak zuzenean kudeatzea.

Horren harira, Olanok honakoa adierazi du: “Baldin eta Bilduk Kabia martxan jartzen badu, hirugarren sektorea desagertuko da, hain zuzen ere, ehunka profesional eta bolondres batzen dituzten irabazi asmorik gabeko Gipuzkoako hainbat elkarte (Atzegi, Gureak, Aspace, Gautena, Agifes, Matia, Cruz Roja, Cáritas…). Eta horietako batzuek urteetan, baita mendeetan ere, lan egin dute gipuzkoarron beharrei aurre egiteko”.

Era berean, batzarkide-talde jeltzalearen bozeramaileak segidakoa esan du: “Bilduren eredua ez da eraginkorra eta, gainera, garestiagoa da administrazio publikoarentzat – Gizarte Zerbitzuen Euskal Kontseiluaren Txostenak dio, batezbeste, zahar-egoitza publikoen kostua egoitza pribatuena baino %50 garestiagoa dela – zein erabiltzaileentzat. Izan ere, zenbat eta garestiagoa izan egoitza bateko lekua, orduan eta diru gehiago ordaindu beharko du erabiltzaileak”. Gainera, Olanoren ustez, nahiz eta egun Bilduren aginteko Foru Aldundiak Kabia egiteko aurrekontu-sailik ez duen, baldin eta etorkizunean gizarte zerbitzuen eredua aldatu nahiko balu, Kabia erabilita ez luke Batzar Nagusien onarpena jaso beharko”.

Markel Olanok, halaber, honakoa salatu du: “Bilduren plangintzak bizkar eman die Batzar Nagusiei, hain zuzen ere, lehengo legealdian Batzar Nagusietan gizarte zerbitzuen kudeaketaren gainean lortutako adostasunei – kudeaketa hitzartzeari hirugarren sektorearekin, hau da, irabazi asmorik gabeko elkarteekin, eta enpresekin –.  Hortaz, Olanoren ustez, bidegabekeria eta atzerakoia da esatea irabazi asmorik gabeko elkarteak enpresen interesen hegemonia eta gizarte-klase baten interesen menpe” daudela. Eta hori egin zuen lehengo legealdian, egun Gizarte Politikako foru diputatu Ander Rodriguezek. Are gehiago: plangintza ez da bidezkoa ere enpresa pribatuekin, izan ere, Foru Arau batek araututa gehienez %3ko irabazia izan dezakete.

Gainera, EAJ-PNVren batzarkide taldearen eledunak Foru Aldundiari eskatu dio, lehenik, lehenbailehen bere gain hartzeko 16 udal-egoitzen kudeaketa, izan ere, hala eskatzen dio Eusko Legebiltzarraren Gizarte Zerbitzuetako Legeak; eta bigarrenik, aldebakarreko proposamenak egiteari uzteko, izan ere, irudikatu nahi duen ereduen arteko talka erakusten du eta ez Gipuzkoako lehentasunak baztertzen ditu”.

Azkenik, Markel Olanok aditzera eman du, EAJ-PNVk bilerak egingo dituela gizarte politikako Gipuzkoako hirugarren sektorearen ordezkariekin. Eta bilera horien helburua honakoa da: Gizarte politikan lan egiten duten ordezkarien iritzia ezagutzea eta EAJ-PNVren kezka adieraztea.

Udalekin ez dago akordiorik

Bestalde, Elgoibarko alkate Alfredo Etxeberriak esan du, Foru Aldundiak ez duela akordiorik lortu udalekin, zahar-egoitzak eskualdatzeko. Horren harira, Elgoibarko alkateak honakoa adierazi du: “Duela bi urte Foru Aldundiak proposamena egin zuen, hain zuzen ere, gizarte zerbitzuak hobetzeko proposamena, baina aitzitik honako akatsa egin zuen: eskumenak nahastu zituen eta etxez etxeko aurrekontua erabili nahi izan zuen udaletako zahar-egoitzen defizitari aurre egiteko”. Etxeberriaren iritziz, hori ez da bidea: “Izan ere, Gizarte Politikako foru diputatu Ander Rodriguezek aldebakarreko proposamena egin du eta konponbide ez egokia inposatu nahi izan du, zeren eta baldin eta etxez etxeko arreta zerbitzurako aurrekontu-saila erabiltzen badu, gipuzkoar guztiok ordainduko dugu 11 zahar-egoitzen defizita”.

Era berean, Elgoibarko alkateak argi utzi du, ez dagoela akordiorik Foru Aldundiaren eta udalen artean, udaletako zahar-egoitzak bere gain hartzeko. Foru Aldundiak uste du akordioa egin duela lehengo fasean bere gain hartuko dituen bost zahar-egoitzen titular diren udalekin, baina ez dut uste hori gertatu denik. Izan ere, Foru Aldundiak udalei hitzarmen-proposamena egin die eta, bertan, eskatu die udalaren aurrekontuekin zahar-egoitzen defizita bere gain hartzeko eta, gainera, Foru Aldundiari uzteko udal instalazioak.

Amaitzeko, hona hemen Alfredo Etxeberriaren hitzak: “Eudel goraipatu nahiko nuke. Izan ere, erakundeen arteko hizketakide ona izan da. Eudelek Udalak ordezkatzen zituen, koordinazioa zegoen eta egokia zen. Baina aitzitik, Bilduren aginteko Foru Aldundiak hizketakideari bizkar eman dio eta alde bateko jarrera izateari ekin dio”.