EAJ-PNV-K BILDUREN KOHERENTZIA EZA SALATU DU DONOSTIAKO AUTOBUS GELTOKIAREKIKO.

Jeltzaleen batzarkide taldearen bozeramaile Xabier Ezeizabarrenak adierazi duenez, “kontraesana da, Foru Aldundiak sinatutako hitzarmena beteko dela – non eta, diru-laguntza Atotxako geltokia eraikitzeko dela zehazten den –, eta, era berean, geltokia Riberas de Loiola auzoan egingo dela esatea”.

EAJ-PNV batzarkide taldeko Xabier Ezeizabarrenak erantzun die, Donostiako autobus geltokiaren inguruan Larraitz Ugarte Mugikortasun eta Bide-Azpiegituretako foru diputatuaren eta Jon Albizu zein Ricardo Burutaran Donostiako udaleko ordezkarien adierazpenei. Ezeizabarrenak honakoa salatu du: “Beste behin ere, agerian gelditu da, Bilduren gobernuaren koherentzia eza”.

Ildo beretik, Xabier Ezeizabarrenak zehaztu duenez, “Larraitz Ugartek Foru Aldundiak sinatutako hitzarmenarekin – Foru Aldundiaren diru-laguntza Atotxako autobus geltokirako izango da – beteko du; eta, era berean, Donostiako Udal gobernuak guztiz kontrakoa esan du; hots, geltokia Riberas de Loiola auzoan eraiki nahi duela”.

Jeltzaleen batzarkide taldearen bozeramailearen iritziz, “Bilduren kontraesan berri baten aurrean gaude. Badute garaia Donostiako autobus geltokia bezalako gai garrantzitsuetan erabakiak hartzeko”.