28 de junio de 2012

EAJ-PNV-REN USTEZ, BILDUK EZ DU AUSARDIARIK HERRITARREI ESATEKO BIDESARIETAN NAHIZ ZERGA BEREZI BATEAN OINARRITUTAKO SISTEMA EZARRI NAHI DUELA.


Jeltzaleen batzarkide taldearen bozeramaile Markel Olanok PPren jarrera kritikatu du: “Bilduk ezkutatzeko estrategia du eta PP laguntzen ari zaio. Horrenbestez, talde txostengilea zentzugabekeria hutsa bihurtu da”. 


EAJ-PNV batzarkide taldearen bozeramaile Markel Olano eta jeltzaleen batzarkide eta talde txostengilean ordezkari Aintzane Oiarbidek prentsaren aurrean agertu dira eta talde txostengilea irailaren 3 arte atzeratzeko erabakiaren gainean – Bildu, PP eta Aralar taldeek onartu zuten – iritzia eman dute: “Bilduk, PPk eta Aralarrek talde txostengilearen amaiera frailera atzeraren alde egin dute eta, ondorioz, taldea bera nora-ezera eraman dute”.

Ildo beretik, Olanok honakoa azpimarratu du: “Bilduk bidesarietan nahiz zerga berezi batean oinarritutako sistema ezarri nahi du, baina ez du nahi herritarrek erabaki horrekin lotzea. Hori onartezina da”. Honenbestez, EAJ-PNV batzarkide taldearen eledunaren ustez, “Bilduk ez du ausardiarik herritarrei esateko sistema hori ezarri nahi duela; izan ere, neurria ez da herritarren gustukoa izango”.

Halaber, jeltzaleen bozeramaileak salatu du, “Ezker Abertzaleak erabakiak aldez aurretik pentsatu gabe hartzen jarraitzen du; hots, orain arte bidesarien aurkako – Etxegaratekoa barne – jarrera izan du; orain, ordea, beste muturrera pasa da eta gaitasun handiko errepideetan bidesariak nahiz zerga berezia ezartzearen aldekoa da. Hau da, bidesaririk ez lelotik, bidesariak bai eta zerga berezia ere bai Lenora pasa da”.

Hortaz, Markel Olanok segidakoa azpimarratu du: “Bilduk ezkutatzeko estrategia du. Guk ez diogu lagunduko, PPk, ordea, bai. Talde popularraren jarrera horrek talde txostengilea zentzugabekeria bihurtu du”.

Bestalde, jeltzaleen batzarkide eta talde txostengilean ordezkari Aintzane Oiarbidek ez du ulertzen, “zertarako eskatu duten talde txostengilearen atzerapena”. Oiarbideren aburuz, “Larraitz Ugartek erabakiak aldez aurretik pentsatu gabe hartzen jarraitzen du” eta honakoa gogoratu du: “Bilduk, PP eta Aralar taldeen babesarekin talde txostengilea martxan jarri zuen legealdiaren hasieran, inongo azterketarik egin gabe eta, bakarrik bidesarien aurka zegoelako”.

Era berean, EAJ-PNVren hautetsiaren iritziz, “erabaki horren ondorioz, talde txostengileak ez du norabiderik izan eta ez du ezer lortu; izan ere, hirukote proposatzaileak ez du akordiorik lortu. Are gehiago: dokumentu askeak aurkeztu dituzte lehengo talde txostengilea ordezkatzeko; hau da, adarra jotzen aritu dira”.

Azkenik, Aintzane Oiarbidek Larraitz Ugarte foru diputatuak atzera egiteko asmorik ez izana salatu du: “Ugarte foru diputatuak jarrera harroputza izan du eta Batzar Nagusiei errespetua galdu die. Ez du proposamenik aurkeztu lurraldeko bide-azpiegituren mantenimendurako nahiz finantziatzeko sistema zehazteko”. Horrek guztiak, Oiarbideren ustez, ondorio zehatza du: “Gipuzkoarrok soilik jarraituko dugu lurraldeko errepideen mantenimendua ordaintzen”. 

No hay comentarios:

Publicar un comentario