EAJ-PNV-K SALATU DU, KRISIALDIA LARRIAGOA DELA ETA MARTIN GARITANO EZ DELA EZER EGITEN ARI EGOERARI AURRE EGITEKO

Jeltzaleen batzarkide taldearen bozeramaile Markel Olanok honakoa azpimarratu du: “Gipuzkoan bi datu oso larri argitaratu dira azkeneko egunetan, hain zuzen ere, 50.000 langabetu baino gehiago daudela eta industria jarduerak nabarmen behera egin duela. Datu horiek, argi uzten dute Bilduren lidergo eta gaitasun eza erakundeetan”. 

EAJ-PNV batzarkide taldearen bozeramaile Markel Olano eta Beasaingo EAJ-PNVren udal taldearen bozeramaile Aitor Aldasoro CAF enpresan egon dira gaur goizean eta bertako arduradunekin bilera egin dute. Gogoan izan EAJ-PNV Ekonomia Sustatzeko Foru Araua egiteko hainbat bilera egiten ari dela ekonomiaren zein gizartearen eragileekin.

Hona hemen, bileraren ondoren, EAJ-PNV batzarkide taldearen bozeramaile Markel Olanoren hitzak: “Krisia ez da egoeraren araberakoa. Hau da, enpresak krisiari egokitu behar zaizkio”.

Ildo beretik, Olanok segidakoa azpimarratu du: “Gipuzkoan bi datu oso larri argitaratu dira azkeneko egunetan, hain zuzen ere, 50.000 langabetu baino gehiago daudela eta industria jarduerak nabarmen behera egin duela, zehazki, %9,9. Horrenbestez, Gipuzkoaren errealitatea okerragoa da, baldin eta Euskal Autonomia Erkidegoaren beste lurraldeekiko konparazioa egiten badugu eta kontuan hartzen badugu, lurralde horiek krisiari aurre egiteko ekimenak egin dituztela eta ekonomiaren garapena sustatu dutela”. 

Era berean, jeltzaleen batzarkide taldearen bozeramailea kezkatuta dago, Gipuzkoako ordezkaririk garrantzitsuenak, alegia, Martin Garitano diputatu nagusiak, ez duelako ezer egin, nahiz eta krisialdiak okerrera egin duen. Horren harira, Markel Olanok salatu du, Garitanok ez duela egin ez planik, ez ekimenik krisiari aurre egiteko, langile zein enpresei laguntzeko edota Gipuzkoako ekonomia-jarduera sustatzeko. Olanoren ustez, inoiz ez da horrelakorik gertatu eta argi uzten du Bilduk ez duela erakundeetan lidergorik ez kudeaketarako gaitasunik, legealdiaren erdia igarotzear dagoenean.

Halaber, Olanok azpimarratu du, Goierri eskualdeko enpresen garrantzia segidakoa azaldu du: “Enpresetako ordezkariek eskatu digute, I+G+B sustatzearen eta enpresesak nazioartera irtetzearen alde egiteko eta enpresak laguntzeko zein produktuen merkaturatzea hobetzeko finantziazioa lortzeko”.

Gainera, EAJ-PNVren bozeramailearen iritziz, ezinbestekoa da arlo publikoaren eta pribatuaren arteko elkarlana, eta honakoa esan du: “Oso garrantzitsua da, ekonomia sustatzeko neurriak lehenbailehen hartzea. Ezin dugu industria baztertu, izan ere ekonomiaren eragile nagusia da, eta Goierrin ere horren jabe dira”. 

Azkenik, Olanok gogoratu du, Bilduk ez duela krisiaren aurkako planik egin nahi eta, beraz, jeltzaleek erabaki dutela Ekonomia Sustatzeko Foru Araua egitea, Foru Aldundia krisiari aurre egiteko plana egitera behartzeko. Gainera, EAJ-PNVren bozeramailearen ustez, EAJ-PNVk proposatutako foru araua da oposizio eraginkorra eta konstruktiboaren adibide garbia eta, gainera, Gipuzkoako gizarte- zein ekonomia-etorkizuna  bideratzeko balioko du.