EAJ-PNV-K ADIERAZI DU AGERIAN GELDITU DELA BILDUREN ZERGA-EREDUAREN PORROTA

Batzarkide-jeltzale Jose Corchonek esan du, zerga-politika ezinbesteko tresna dela erakundeen finantza-nahikotasuna lortzeko eta ekonomia sustatzeko. Baina aitzitik, Bildurentzat zerga-politika dirua biltzeko tresna da.

Gipuzkoako Batzar Nagusiek ez dute onartu gaur goizeko osoko bilkuran Bilduren aginteko Foru Aldundiaren Foru Arau proposamena, hain zuzen ere, Sozietateen Irabazien gaineko Zergari buruzko Foru Arau proposamena. Horren harira, EAJ-PNVren batzarkide Jose Corchonek honakoa esan du: “Gaur agerian gelditu da Bilduren zerga-ereduaren porrota. Hain zuzen ere, zerga-politika dirua biltzeko tresnatzat hartzen duen eredua”. Horiek horrela, Corchonek azaldu du, zerga-politika ezinbesteko tresna dela erakundeen finantza-nahikotasuna lortzeko – hain zuzen ere, gizarte-ongizatea bermatzeko finantza nahikotasuna lortzeko – eta ekonomia sustatzeko.

Era berean, batzarkide-jeltzaleak segidakoa azpimarratu du: “Neurriak hartzeko unea da, hain zuzen ere, krisiari aurre egiteko tresnak ezarteko, eta zerga-politikak tresna horietako bat izan behar du”. Hortaz, Jose Corchonek gogorarazi du, krisiaren ondorioz, diru-bilketa 2006.urteko mailara gutxitu dela; gero eta behar gehiago daudela ongizate-estatua mantentzeko; eta enpresak egoera larrian daudela – enpresa askok itxi behar izan dute eta beste hainbat kinka larrian daude – horrek dituen ondorio ekonomiko zein pertsonalekin”.

Horrenbestez, Corchonek adierazi du, Urkullu lehendakariak hasitako zerga-erreformak, hain zuzen ere, alderdi ezberdinen arteko akordioa eta elkarlana bilatzen duen zerga-erreformak – EAJ-PNV, PSE eta PP alderdiek bat egin dute Iñigo Urkulluren proposamenarekin. Bilduk, ordea, ez du parte hartu izan nahi – kenkariak erabili dituela segidakoa lortzeko: enplegua eta ekonomia jarduera sortzeko; enpresen kapitalizazioa indartzeko, defizita murrizteko neurriak hartuta; enpresen jarduera bultzatzeko; Gipuzkoako produkzio-sarea indartzeko; eta Gipuzkoako enpresen lehiakortasuna lortzeko. EAJ-PNVren batzarkidearen iritziz, neurri horiei guztiei esker, inbertsio berriak egingo dira, aberastasuna eta enplegua sortuko dira eta kontsumoa bultzatuko da.

EAJ-PNVren hautetsiak, halaber, honakoa salatu du: “Bilduk nahiago izan du akordiorik ez egin. Era berean, Bilduren ereduak ez du ekonomia sustatzeko plangintzarik. Are gehiago: enpresak ahaztu egiten ditu, hain zuzen ere, ekonomiaren eragileak diren enpresak. Eta gainera, Bilduren zerga-proposamena diru-bilketan oinarrituta dago eta, beraz, ekonomia sustatzeko oztopo bat da”.

Azkenik, hona hemen Jose Corchonen hitzak: “Gipuzkoak tresna eraginkorrak behar ditu. Hortaz, ez dugu onartuko Bilduren zerga-proposamena. Izan ere, ez du ekonomia-egoera kontuan hartzen; ez da Gipuzkoaren beharretara egokitzen; helburu bakarra du, dirua biltzea; ez du ekonomia sustatzen; eta lurraldeetako zergen bateratzearen aurka egiten du”.