17 de enero de 2014

EAJ-PNV-K LARRAITZ UGARTERI ESKATU DIO, ARGITZEKO DESKARGAKO PROIEKTUAN ALDAKETARIK DAGOEN

Batzarkide jeltzale Aintzane Oiarbidek Mugikortasun eta Bide Azpiegituretako foru diputatuari eskat dio, demagogia eta populismoa ez egiteko, eta errepideen mantentze-lanen eta finantzaketaren gaineko arazoa konpontzeko akordioak lortzeko.


Gipuzkoako Batzar Nagusiek asteazkenean atzera bota zuten Arkupe bidesari-sistemaren gaineko Foru Araua. Behin Mugikortasun eta Bide Azpiegituretako foru diputatuaren proposamenak baztertuta, EAJ-PNVren batzarkide Aintzan Oiarbidek honakoa esan du: “Agerian gelditu da Larraitz Ugarteren porrota, hain zuzen ere, legealdia hasi zenetik Larraitz Ugarteren kudeaketaren porrota. Izan ere, gelditu ditu lehengo legealdiko bidesarien gaineko batzorde-txostengilearen plangintza, programa eta ekimen guztiak. Eta, gogoan izan, plangintza horiek guztiek alderdi politiko gehienen adostasuna zutela”. Horren harira, Oiarbidek salatu du, Larraitz Ugarte ez dela gai izan adosteko, hain zuzen ere, errepideen mantentze-lanei eta finantzaketari buruzko Foru Arau proposamena adosteko eta, ondorioz, bi urte galdu direla.

Era berean, batzarkide jeltzaleak Mugikortasun eta Bide Azpiegituretako foru diputatuari segidakoa eskatu dio: “Gogor lan egiteko eta adostasunak lortzeko, betiere, errepideen auzia konpontzeko. Eta, horretarako, proposamen berria egiteko, eta proposamen hori gainerako alderdi politikoekin, sindikatuekin, inguruko lurraldeetako erakundeekin eta gainerako eragileekin adosteko. Larraitz Ugartek, lehenbailehen, proposamen egokia egin beharko du, eta horretarako honakoa egin beharko du: hitz egin, gardena izan, eta lehengo legealdiko batzorde-txostengilearen txosten tekniko eta ekonomikoak kontuan izan”.

Aintzane Oiarbidek, halaber, adierazi du, ez dela bidezkoa gipuzkoarrak ordaindu behar izatea Larraitz Ugarteren arduragabekeria eta gaitasun eza. Izan ere, Ugartek berak gai honetan liskarra izan du politikaren, gizartearen eta ekonomiaren eragile guztiekin. Horrenbestez, EAJ-PNVren batzarkideak Mugikortasun eta Bide Azpiegituretako foru diputatuari eskatu dio, demagogia eta populismoa ez egiteko eta errepideen mantentze-lanen eta finantzaketaren gaineko arazoa konpontzeko akordioak lortzeko.


Azkenik, Oiarbidek aditzera eman du, EAJ-PNVren batzarkide taldeak eskatuko duela Larraitz Ugarteren parte-hartzea Mugikortasun eta Bide Azpiegituretako batzordean eta, bertan, Ugartek azaldu beharko du Deskargako proiektuan aldaketarik aurreikusita dagoen – gogoan izan, Larraitz Ugartek berak egin zuela Deskargako proiektuaren eskaintza –. Aintzane Oiarbidek azaldu duenez, proiektuan bidesaria kobratzeko gunea aurreikusita zegoen eta, orain, dirudienez, foru diputatuak berak hori zalantzan jarri du. Beraz, EAJ-PNVk segidakoa jakin nahi du: proiektuan aldaketarik egin den, eta hala bada, enpresa eraikitzaileekin eta bankuekin hitz egin duen, betiere, jakinarazteko aldaketak eta bidesarien gaineko bere Foru Arauak porrot egin duela. 

No hay comentarios:

Publicar un comentario