5 de noviembre de 2014

EAJ-PNV-K SALATU DU EZKER ABERTZALEAREN EREDUAK EZ DUELA SINESTEN GIPUZKOARRENGAN



Batzarkide-talde jeltzalearen bozeramaile Markel Olanok adierazi du, EAJ-PNVk herritarrak babestuko dituela, hain zuzen ere, modu boluntario eta irabazi asmorik gabeko batean Gipuzkoan behar gehien duten pertsonekin lan egiten duten herritarrak.



Gipuzkoako Batzar Nagusiek gaur goizean onartu dute Kabiaren gaineko Foru Araua. Behin araua onartuta, EAJ-PNVren batzarkide-taldearen bozeramaile Markel Olanok salatu du, ezker abertzalearen ereduak ez duela sinesten gipuzkoarrengan, eta honakoa esan du: “EAJ-PNVk herritarrak babestuko ditu, hain zuzen ere, modu boluntario eta irabazi asmorik gabeko batean Gipuzkoan behar gehien duten pertsonekin lan egiten duten herritarrak”.

Era berean, Olanok adierazi du, gaur berriro ere irudikatu dela bi ereduen arteko talka dagoela Gipuzkoan gizarte politikak kudeatzeko. Horren harira, salatu du, Kabiak bereak egin nahi dituela gizarte politika guztiak eta, horretarako, kudeaketa publiko zuzena egingo duela. Hortaz, batzarkide-talde jeltzalearen bozeramaileak ohartarazi du, Gipuzkoak arriskuan duela egungo gizarte politiken eredua, hain zuzen ere, eredugarria den eredua.

Markel Olanok, halaber, honakoa esan du: “Ezker abertzaleak eredu publikoa hedatu nahi die gizarte osoari zein enpresei. Eta helburua segidakoa da: guztia kontrolpean izatea, izan ere, ezker abertzaleak ideologia lehenesten du”. Hortaz, Olanok salatu du, Bilduk tresna lortu duela bere erabaki politikoa betetzeko, hain zuzen ere, egungo gizarte zerbitzuen puntako eredua aldatzeko erabaki politikoa betetzeko. Eta gainera, Bilduri ez dio axola erabiltzaileei gizarte zerbitzuen kalitatea bermatzea.

Azkenik, hona hemen EAJ-PNVren batzarkide-taldearen bozeramailearen hitzak: “Gure eredua honakoa da: gipuzkoarrongan  eta gipuzkoarrok antolatzeko dugun gaintasunarengan sinesten dugu, Gipuzkoan behar gehien dutenei laguntzeko”. 

No hay comentarios:

Publicar un comentario