EAJ-PNV-REN USTEZ, BILDUK OSPE TXARRA ETA MANIPULAZIOA ERABILTZEN DITU BERE EZINTASUNA IZKUTATZEKO.

Oposizioak (ARALAR, PP eta PSE-EE) onartu du uneoro aldaketen berri izan zutela eta, era berean, EAJ-PNV zoriondu dute orain arte egindako kudeaketa dela eta. Jeltzaleek aldiz, lanetan lan egin zuten ehundaka pertsonekiko zin BIDEGI-ko teknikoekiko errespetua eskatu du,izan ere, horien profesionaltasuna zalantzan jarri dute.  

Diputatu nagusi ohi Markel Olano, Bide Azpiegituretako diputatu ohi Eneko Goia eta BIDEGIko zuzendari ohi Borja Jauregi Batzar Nagusien aurrean agertu dira, aurreko legealdian aldundian nahiz BIDEGIn egindako bide-azpiegiturei buruzko obren gainean azalpenak emateko. Markel Olanoren ustez, “aipatutako kontratuen exekuzioan halako aldaketa adierazgarriek administrazioko kontratazioaren arautegian jasotako lehiaketa printzipioak urratzen dituzte, izan ere, igoeren zenbatekoak desitxuratu egiten baitu bai kontratuaren xedea, bai kontratuaren bolumen ekonomikoa ere”.  

Era berean, Olanok Bilduren jarrera kritikatu du, “alabaina, honakoa zalantzan jarri dute: egindako azpiegiturak, BIDEGI nahiz aukeratutako finantziazio-sistema, eta aldundiaren aurreko arduradunen kudeaketa”. Ildo beretik, diputatu nagusi ohiak esan duenez, “legealdiaren laurdena igaro da eta Bilduk bere jarrerarekin ezintasuna baino ez du erakutsi; are gehiago, ideia eta proiektu falta eta, hori estaltzeko asmoz, EAJ-PNVren aurkako salaketak egiten dituzte. Beraz, manipulazioa eta ospe txarra erabiltzen ditu bere ezintasuna izkutatzeko”.

Halaber Markel Olanok segidako salaketa egin du: “Bilduk ez du lurraldeko azpiegiturak hobetzeko proiekturik aurkeztu hamar hilabeteetan”. Orobat, gogoratu duenez, “gure gobernuak egundoko lana egin zuen Gipuzkoan; alta, AP-1, Donostiako Bigarren Ingurabidea eta Urumeako Autobidea egin zituen; hots, horiekin, Gipuzkoak gelditze-arriskua gainditu du, errepide-sare lehiakorra izatea lortu du eta, gainera, lurraldearen orekan eragina du”.

Bestalde, Olanok BIDEGIren laguntza eskertu du: “Elkarte publikoa da, %100 foru-elkartea, eta inoiz ez du aldundiaren diru-laguntzarik behar izan”. Hortaz, segidakoa gogoratu du: “Lan guztiak gardenak izan ziren; are gehiago, politikariek eta kazetariek bisitatu zituzten”.

Azkenik, diputatu nagusi ohiak Bilduren jarrera kritikatu du, “izan ere, BIDEGIren ereduarekin ez du bat egiten, baina ez du esaten eredu horri esker egungo errepideak ditugula eta ezin dela gauza batetaz aldez aurretik disfrutatu baldin eta mailegua ordaintzeari konprometitzen ez bada”. Ildo beretik, Markel Olanok Bilduri eskatu dio, “argi esateko ez direla behar, besteak beste, AP-1 errepidea, Bigarren Ingurabidea, AP-8aren hirugarren bideak, Ospitaletako sarbidea, Beasain-Bergara arteko errepidea, N-Ieko arintzea edota Donostiako sahiesbidea. Gipuzkoarrok orduan ezagutuko dugu nortzuk diren agintean daudenak”.

Eskari arraroa

Bestalde, Bide Azpiegituretako foru diputatu ohi Eneko Goiaren aburuz, “eskaria nahiko arraroa da, alabaina, eskatutakoa publikoa da eta, gainera, espediente guztiak Departamentuan eta BIDEGIn daude”.

Kontratuen kudeaketari buruz, Goiak lan guztietako prozedura azaldu du eta honakoa azpimarratu du: “Irizpide teknikoak kontuan hartu dira, betiere gardentasunez”. Honenbestez, Bide Azpiegituretako foru diputatu ohiaren iritziz, “arrazoi asko daude proiektu baten aldaketa eskatzeko. Gipuzkoan arrazoi geoteknikoak ohikoak izaten dira”. Eneko Goiak azaldu duenez, “ezpondak, ur-bideratzeak, lurjauziak, edo kaltetutako herriek eskatutako aldaketak izan zirela proiektuetan aldaketak egiteko arrazoiak”.

Epeei buruz, Goiaren ustez, “aldundiak erabaki zuzena hartu zuen esleipenen epeak kontuan ez hartzea erabaki zuenean, izan ere, gure lurraldean ezinezkoa da epeak ezartzea eta, are gehiago, eguraldiak zeresan handia izan dezakeenean”.

Amaitzeko, Bide Azpiegituretako foru diputatu ohiak adierazi duenez, “lan bakoitza egiteagatik ordaindu dena obrak kostatzen duena da eta, betiere, irizpide teknikoek ezarritakoaren arabera. Eta, Herri-kontuen Euskal Epaitegiak esandakoa ekiditeko modu bakarra kontratuaren etetea da, hain zuzen, muturreko jarrera; alabaina, berdina ordaintzen amaitzen da baina urtebeteko edo gehiagoko atzerapenarekin eta herritarrei kalte handiagoak eraginez”.

BIDEGIren zuzendari oh Borja Jauregi izan da hitza hartzen azkena. Jauregiren aburuz, “agerraldia erabilera politikoa izan da, aurreko kudeatzaileen ospe txarra lortzeko; izan ere, informazioa eskatzeko izan balitz, hortxe dituzte espediente guztiak”. Ildo beretik, Jauregik segidakoa azpimarratu du: “eszenifikazioa bada, lanetan parte hartu zuten ehundaka pertsonen esfortzua baita BIDEGIren teknikariena ere. Mintzen nau profesional horien guztien lana zalantzan jartzea”.

Halaber, BIDEGIren zuzendari ohiaren ustez, “gezurra da BIDEGIren zorra aldundiaren aurrekontuan eragina izatea, alabaina, Foru Aldundiak ez zituen sozietate publiko horren maileguak bere gain hartu”. Honenbestez, honakoa gogoratu du: “BIDEGIren diru-sarreren %90 ez-ohiko erabiltzaileen bidesarietatik eta Europako garraiotik dator”.

Azkenik, Batzar Nagusiei zein Foru Aldundiari eskatu die, “BIDEGI zaintzeko, baldin eta lortutako errepide-sarea pikutara bidali nahi ez badugu”.