26 de julio de 2012

EAJ-PNV-K ERRAZKIN DIPUTATUARI ESKATU DIO, JARRAITUKO DUEN HONDAKINEN KUDEAKETA BATZAR NAGUSIETAN AZALTZEKO


Xabier Ezeizabarrena jeltzalearen iritziz, “Bilduk nahastu nahi gaitu eta, beraz Errazkin diputatuak argitu beharko du zer egingo duen; izan ere, Bilduk arazoa ez kudeatzeaz gain, irtenbidea ere atzeratu nahi du”


Gipuzkoako Batzar Nagusietan EAJ-PNVren batzarkide taldeak Ingurumeneko foru diputatu Iñaki Errazkini Batzar Nagusietan – eskumenaren jabe dira – agertzeko eskatu dio, jarraituko duen hondakinen kudeaketa azaltzeko. Xabier Ezeizabarrena jeltzalearen iritziz, “Bilduk nahastu nahi gaitu eta, beraz, Errazkin diputatuak argitu beharko du zer egingo duen; izan ere Bilduk arazoa ez kudeatzeaz gain, irtenbidea ere atzeratu nahi du”.

Era berean, Ezeizabarrenak honakoa azpimarratu du: “Konponbidea ez da dauden zabortegiak edo berriak irekitzea, ez hondakinak beste lekutara garraiatzea. Konponbidea idatzita eta onartua dago Gipuzkoako hondakinen plangintzan”. 

Honenbestez, hautetsi jeltzalearen ustez, “Errazkin diputatuak azaldu beharko digu, Bilduk araudia – hondakinen sorrera murrizteko, birziklatzen jarraitzeko, hondakinan berrerabiltzeko eta Zubietako balorizazio energetikoaren bidez zikloa amaitzeko eta, ondorioz, kostu handiagoak ekiditeko – errespetatuko duen ala ez”.
 
Xabier Ezeizabarrenak, halaber, segidakoa esan du: “Bilduk ez du politika-egitasmorik ez Gipuzkoarako proiektu estrategikorik eta, gainera, ez dio irtenbiderik eman hiri hondakinen arazoari; nahiz eta, egungo plangintzak irtenbidea ematen dion”.

Azkenik, Ezeizabarrenaren aburuz, “garrantzitsua da jakitea diputatu jaunak Gipuzkoako Batzar Nagusietako gehiengoak onartutakoa ala soilik bere programarekin bat datorrena errespetatuko duen. Hots, beste behin, demokrazia-kulturari buruz ari gara; hain zuzen, gipuzkoarroi oso garesti ateratzen ari zaiguna”. Hori dela eta, hona Xabier Ezeizabarrenak Iñaki Errazkin Ingurumeneko foru diputatuari eta, orohar, Foru Aldundiari egindako eskaria: “Legea betetzeko eta ekonomia sustatzeko neurriak hartzeko”.   

No hay comentarios:

Publicar un comentario