EAJ-PNV-K BILDURI ESKATU DIO AURREIKUSITAKO DIRU-BILKETAN IZANDAKO 222 MILIOI EUROKO JAITSIERA AZALTZEKO.

Gipuzkoako Ogasunak 2012.urteko zerga-bilketaren balorazioa egin du gaur komunikabideen aurrean. Itziar Miner Ogasun departamentuko zuzendariaren azalpenak entzun ostean, EAJ-PNVk eskatu du Helena Franco Ogasuneko foru diputatua Batzar Nagusietan agertzeko eta aurreikusitako diru-sarreren eta jasotakoaren arteko aldea azaltzeko.

Izan ere, 2012rako aurreikusitako diru-bilketak 3.837 milioi eurokoak ziren, baina aitzitik, Foru Aldundiak 3.615 milioi euro jaso ditu. Horrenbestez, diru-bilketak %5,8 gutxitu dira, hau da, Foru Aldundiak 222 milioi euro gutxiago jaso ditu. Ondorioz,  EAJ-PNVren iritziz, Ogasuneko foru diputatuak Batzar Nagusietan gainerako alderdiei honakoa azaldu beharko die: zergatik huts egin du aurreikuspenak?, eta jaitsiera horrek zein ondorio izango ditu inbertsioetan?  

Era berean, EAJ-PNVk gogoratu du, abenduan ebazpen-proposamena egin zuela eta, bertan, Foru Aldundiari eskatu ziola finantza- eta ekonomia-dokumentua hurrengo ekitaldietarako eguneratzeko, honako arrazoiak direla eta: diru-bilketaren gutxitzea eta lurraldearen ekonomia-egoera latza. 

Halaber, EAJ-PNVren aburuz, Gipuzkoako Ogasunaren arduradunek jarrera arduragabea eta txolina izan dute, izan ere beste ekitaldi batzuetako diru-bilketaren aurreikuspenaren eta bildutakoaren arteko aldea ikusita salaketa faltsuak eta oso larriak egin izan dituzte.  

Azkenik, beste urteekin alderatuta diru-bilketa gutxitu dela eta, EAJ-PNVk Bilduri eskatu dio, neurriak hartzeko eta Batzar Nagusiek onartutako, eta gizarte- zein ekonomia-ordezkariek eskatutako krisiari aurre egiteko eta ekonomia sustatzeko planak egiteko.