6 de febrero de 2013

EAJ-PNV-K SALATU DU BILDUK EZ DUELA EGIN HERRITARREN PARTE-HARTZEARI BURUZKO PROGRAMARIK

Jeltzaleen batzarkide taldearen bozeramaile Markel Olanok Martin Garitano diputatu nagusiari eskatu dio, hitzetik ekintzetara pasatzeko eta Herritarren Parte-hartzeari buruzko Foru Araua betetzeko”.



Markel Olano EAJ-PNVren batzarkide taldearen bozeramaileak Martin Garitano Gipuzkoako diputatu nagusiari honakoa galdetu dio gaurko osoko bilkuran: “Zeintzuk dira herritarren parte-hartzeari buruzko programarik ez aurkezteko arrazoiak? Gogoan izan, lehengo legealdian onartutako Herritarren Parte-hartzeari buruzko Foru Arauak programa egiteko agintzen diola”.

Ildo beretik, Markel Olanok diputatu nagusiari segidakoa gogoratu dio: “Herritarren Parte-hartzeari buruzko Foru Arauak Gipuzkoako Foru Aldundiari agintzen dio, herritarren parte-hartzeari buruzko programa aurkezteko, non eta parte-hartze proposamenak zein jarduerak zehazten diren. Hala ere, Foru Aldundiak ez du oraindik ezer ere egin, nahiz eta 2012ko iraileko politika orokorreko osoko bilkuran horren gaineko mozioa adostu genuen”.

Era berean, Olanoren ustez, Foru Aldundiaren 2013ko araudi-egutegian ez dago aurreikusita parte-hartze programa egiterik. Horrenbestez, honez gero pentsatzen hasiak gara Bilduren aginteko Foru Aldundiak ez duela herritarren parte-hartzeari buruzko plangintzarik, nahiz eta Bilduk hauteskude-egitasmoan parte-hartze planen diseinua aurreikusten zuen”.

Halaber, EAJ-PNVren batzarkide taldearen bozeramaileak Martin Garitanori eskatu dio, hitzetik ekintzetara pasatzeko, izan ere orain arte Bilduk lehengo legealdian EAJ-PNVk hasitako lana baino ez du jarraitu. Horrek asko pozten gaitu, baina eskatzen diogu – foru arauak hala agintzen duelako - hemendik aurrera egingo dituen ekintzak zehazteko.

Azkenik, Markel Olanok segidakoa salatu du: “Bilduk ez du plangintzarik egin nahi, ez parte-hartzearen gainean ez beste ezeri buruz eta, beraz, plangintzarik gabeko bat-bateko erabakiak hartzen ditu. Horregatik, Foru Aldundiari honakoa eskatzen diogu: foru arauak agindutakoa errespetatzeko eta herritarren parte-hartzeari buruzko programa behingoz aurkezteko”. 

No hay comentarios:

Publicar un comentario