EAJ-PNV-REN USTEZ, ALDERDI POLITIKO GUZTIEK ADOSTUTAKO ERANTZUNA EMAN BEHAR ZAIO ETXE KALERATZEEN ARAZOARI

Eider Mendoza jeltzalearen iritziz, alderdikeriak baztertu behar dira etxe kaleratzeak bezalako gai garrantzitsuari aurre egiteko.

EAJ-PNVren batzarkide taldeak etxe kaleratzeen gaineko gaia erretiratu du osoko bilkuraren eguneko aztergaien zerrendatik. Eider Mendoza EAJ-PNVren batzarkideak azaldu du Gaia erretiratzeko arrazoia: “Erakunde eta alderdi politiko guztien arteko adostasuna lortu nahi genuen, etxe kaleratzeei elkarlanaren bitartez aurre egiteko”.  

Era berean, Mendozak honakoa esan du: “Kaleratzeen arazoari elkarlanaren bitartez erantzun behar diogu; hain zuzen ere, erakundeen, alderdi politikoen eta elkarteen arteko elkarlanaren bitartez. Baina aitzitik, momentuz, hori ez da posible izan. Beraz, EAJ-PNVk lanean jarraituko du proposamena aho batez onartua izan dadin”.

Azkenik, EAJ-PNVren batzarkideak segidakoa azpimarratu du: “Ahalik eta erantzunik eraginkorrena eman behar zaio etxe kaleratzeen gaiari. Eta horretarako, alderdikeriak baztertu behar dira. Izan ere, Erakunde eta alderdi politiko guztiek elkarrekin lan egin behar dute gai garrantzitsu horri aurre egiteko”.