EAJ-PNV-K DIPUTATU NAGUSIARI ESKATU DIO, GIPUZKOAN LEHENTASUNA IZATEKO EKONOMIAREN SUSTAPENA ETA ENPLEGUAREN SORRERA.

Markel Olano jeltzalearen iritziz, Foru Aldundiak enpresei lagundu behar die, gazteei lana bilatzen lagundu behar die, eta berrikuntza politikak eta gure ekonomia beste herrialdeetara zabaltzeko politikak sustatu behar ditu.

Emplegu eta Gizarte Segurantza Ministerioak Gipuzkoako lan egoeraren gaineko azkeneko datuak ezagutu ondoren – horretarako, Lanbideren zerrendak erabili ditu –, Markel Olano EAJ-PNV batzarkide taldearen bozeramaileak kezkatuta dagoela esan du, izan ere, datua oso txarra da, eta honakoa eskatu dio Martin Garitano diputatu nagusiari: “ekonomiaren sustapena eta enpleguaren sorrera lehentasuna izateko ikasturte politiko hasiberri honetan”.

Datuak txarrak dira: Gipuzkoan 362 langabetu gehiago daude eta, beraz, guztira 48.076 gipuzkoar langabezian daude. Horiek horrela, Markel Olanoren ustez, agerian gelditzen da zein izan behar duen Gipuzkoako Foru Aldundiaren lehentasuna. Baina aitzitik, orain arte Martin Garitano diputatu nagusiak ez dio egoerari erreparatu”. Horren harira, EAJ-PNVren bozeramaileak segidakoa gogoratu du: “Batzar Nagusiek hainbat ebazpen onartu dituzte krisiari aurre egiteko planak egiteko edota hitzarmen mahaiak egiteko alderdi politiko eta ekonomiaren zein gizartearen eragileekin; baina Bilduren aginteko foru aldundiak ez du ezer egin”.

Era berean, Markel Olanok Bilduri eta Diputatu Nagusiari eskatu die “parte-hartzeko Gipuzkoak krisiari aurre egiteko plana izateko egiten diren bilera, lan-saio edo eztabaida guneetan eta, era berean, ekonomia sustatzeko eta enplegua sortzeko neurriak hartzeko”. Olanoren aburuz, Gipuzkoak ez du atzean gelditu, Bilduren aginteko Foru Aldundiaren jarrera dela eta, hain zuzen ere, oztopoak jartzeko eta sistemari aurka egiteko jarrera dela eta.

Halaber, jeltzaleen bozeramaileak azpimarratu du, Foru Aldundiak enpresei lagundu behar diela, gazteei enplegua bilatzen lagundu behar diela, eta berrikuntza politikak eta gure ekonomia beste herrialdeetara zabaltzeko politikak sustatu behar dituela.

Azkenik, hona hemen Markel Olanoren hitzak: “Hogeita hamar bat Gipuzkoako gizartearen eta ekonomiaren eragileekin izan ditugu bilerak eta, dagoeneko idatzi dugu Ekonomia Sustatzeko Foru Arauaren hasierako dokumentua. Dokumentu horrekin Bilduri bidea erakutsi nahi diogu krisiari aurre egiteko planak egiteko eta espero dugu gainerako alderdiek Foru Araua hurrengo hilabeteetan Gipuzkoako Batzar Nagusietan onartzea”.