EAJ-PNV
batzarkide taldearen bozeramaile Markel Olanok PP eta PSE alderdien jarrera
salatu du, izan ere, negoziazioa oztopatzen saiatu dira eta, ondorioz,
arriskuan jarri dute inbertsioak egiteko defizitaren marjinaren erabilera, hain
zuzen ere, 18 milioi euroko defizitaren marjinaren erabilera.
EAJ-PNV batzarkide
taldearen bozeramaile Markel Olanok gaur goizean honakoa iragarri du: Bildu batzarkide
taldearekin hitzarmena, hain zuzen ere, defizitaren marjinaren banaketaren
ondorioz egingo diren inbertsioen gaineko hitzarmena. Olanok berak azaldu
duenez, Eusko Jaurlaritzaren eta foru aldundien arteko akordioaren ondoren,
batzarkide taldeek adostu behar zituzten Gipuzkoan egin beharreko inbertsioak,
hain zuzen ere, 18 milioi euroko defizitaren marjinarekin egin beharreko
inbertsioak.
Horren harira,
jeltzaleen batzarkide taldearen bozeramaileak honakoa esan du: “Defizitaren
marjinaren banaketa egin ondoren, Bilduren aginteko Foru Aldundiak Foru Arau
proposamena egin zuen eta, bertan, egin beharreko inbertsioak zehaztu zituen.
Orduan, zuzenketak egiteko epea hasi zen eta, hortaz, alderdien arteko
negoziazioa. EAJ-PNVk hasieratik jarrera arduratsua izan du eta, horren
ondorioz, Bildurekin ekintza eta proiektu berriak adostu ditu bost arlotan: 1)
80.000 euro Euskaltzaindiako Luis Villasante eraikina egiteko; 2) 70.000 euro
Aiako Bigantxategia bidea egiteko; 3) Inbiomed-i zuzendutako 300.000 euroei
100.000 euro gehitzea; 4) 50.000 euroko diru-laguntza Aranzadirentzat; eta 5)
Donostiako Udalari 150.000 euroko diru-laguntza enpresa berriak sortzeko”.
Era berean, Markel
Olanok segidakoa gogoratu du: “Negoziazioa hasi zenetik eztabaida honakoa izan
da: 1.000 biztanle baino gutxiagoko herrientzako 6 milioi eurotako diru-lerroa.
Horren harira, EAJ-PNVren jarrera argia da: jeltzaleok ados gaude diru-lerro
horrekin, izan ere bat egiten du lehengo legealdiko Landa Gipuzkoa 32
programaren ildoarekin – gogoan izan, Landa Gipuzkoa 32 programan Gipuzkoako
herri txikien inbertsioak laguntzen zirela –. Beraz, EAJ-PNVren helburua
honakoa izan da: lurraldearen oreka bilatzea eta plana Gipuzkoa osoarentzat
izatea eta, ondorioz, lokalismoak ekiditea”.
Horrenbestez, Olanok
azpimarratu du, Bildurekin lortutako akordioa Gipuzkoako bizi duen egoera
larriari aurre egiten diola eta, beraz, Gipuzkoarentzat onuragarria izango
dela. Ildo beretik, PP eta PSE alderdiei leporatu die, negoziazioa oztopatzen
saiatu izana: “Horren ondorioz, PPk eta PSEk inbertsioak arriskuan jarri
dituzte, hain zuzen ere, Gipuzkoarentzat beharrezkoak diren inbertsioak eta,
hori, onartezina da. Ezin genuen onartu diru-kopuru hori galtzea, alderdiek
ados jarri nahi ez zutelako”.
Donostiari bultzada handia
Bestalde, EAJ-PNVren
Donostiako Udal taldearen bozeramaile Eneko Goiak EAJ-PNVren batzarkide
taldearen lana nabarmendu du: “Gure alderdiaren batzarkideen lanari esker,
Donostiak bultzada handia jasoko du eta, ondorioz, gauza asko hobetu ahal izango
dira, esaterako, Txuri-Urdin izotz-jauregia, non eta Foru Aldundiak milioi bat
euro inbertituko duen – gogoan izan, EAJ-PNVk Bilduren aginteko udal gobernuari
behin baino gehiagotan eskatu izan diola inbertsio hori egiteko –“.
Goiak, halaber, azaldu
du, EAJ-PNV eta Bilduren arteko hitzarmenari esker, Donostiako Udalak 150.000
euro jasoko dituela enpresa berriak sortzeko.
Azkenik, hona hemen
Donostiako Udalean jeltzaleen bozeramailearen hitzak: “Aipatutako guztia gutxi
balitz, Donostiak beste hainbat proiektutarako laguntza jasoko du, hain zuzen
ere, besteak beste, Inbiomed-entzako, Aranzadirentzako edo Euskaltzaindiako
egoitzarako – gogoan izan, Euskaltzaindiako egoitza Donostian dagoela –
laguntza jasoko du”.
No hay comentarios:
Publicar un comentario