19 de febrero de 2014

EAJ-PNV-K FORU ALDUNDIARI ESKATU DIO SAIATZEKO GIPUZKOAN KIROL GERTAERA GARRANTZITSUAK EGITEKO, HAIN ZUZEN ERE, TURISMOARENTZAT ONAK IZANGO DIREN KIROL GERTAERAK



Batzarkide jeltzale Joseba Antxustegiren ustez, Foru Aldundiak ezin du zain egon inguruko lurraldeek kirol gertaerak antolatu arte eta, orduan, horiek aprobetxatu; baizkik eta, neurriak hartu behar ditu Gipuzkoan bertan txapelketa horiek antolatzeko”. 



EAJ-PNV batzarkide taldeak Foru Aldundiari eskatu dio saiatzeko Gipuzkoan kirol-gertaera garrantzitsuak egiteko, hain zuzen ere, turismoarentzat onak izango diren kirol-gertaerak. Batzarkide jeltzale Joseba Antxustegik eskaera egin du Kultura, Gazteria eta Kiroletako batzordean. Bertan, batzarkide taldeek eztabadiatu dute Foru Aldundiari bisitariak erakartzeko egindako proposamenari buruz, hain zuzen ere, Bilbon Munduko Saskibaloi Txapelketa egingo dela aprobetxatuz bisitariak erakartzeko. Gogoan izan, Bilbon bertan Estatu Batuetako selekzioak jokatuko dituela bere partidak eta, talde horretan NBA ligako izarrek jokatzen dutela. 

Beraz, Bizkaia Arenan munduko saskibaloi jokalari onenak izango dira eta, ondorioz, Euskadira zale ugari gerturatuko dira, hain zuzen ere, Euskadi ezagutzeko aprobetxatuko duten zaleak. Horren harira, EAJ-PNVren batzarkide Joseba Antxustegik honakoa esan du: “Berri ona da hainbeste jende etortzea Euskadira, baina uste dugu berria hobea izango litzatekeela baldin eta Gipuzkoak horrelako txapelketa bat antolatuko balu. Gogoan izan, gainera, Gipuzkoak horrelakorik antolatu izan duela eta, horretarako, erakutsi duela gai dela lehen mailako gertaerak antolatzeko, betiere, kirolaren eta kulturaren eragileekin elkarlanean. Hortaz, arlo publikoa eta pribatuaren arteko elkarlana ezinbestekoa da horrelako gertaerak antolatzeko”.

Ildo beretik, batzarkide jeltzaleak segidakoa adierazi du: “Gipuzkoak esperientzia du eta ondo baino hobeto daki horrelako gertaerak antolatzen. Eta hori erakutsi izan du, izan ere, besteak beste, honakoak antolatu ditu: nazioarteko rugby partidak (Heineken Cup), maila ezberdinetako atletismo txapelketak (Europako, Munduko eta Espainiako txapelketak), Muduko Surf Txapelketak, etabar. Eta, oraindik, garrantzi handiko eta hirugarren sektorearentzako onak diren beste batzuk antolatzen ditu: Donostiako Txirrindularien Ohiko Klasikoa eta Donosti Cup futbol txapelketa – hain zuzen ere, mundu osoko taldeak erakartzen dituen txapelketa eta Gipuzkoako hotel guztiak betetzen dituen txapelketa”.

Era berean, Joseba Antxustegik segidakoa azpimarratu du: “Horrelako gertaerek Gipuzkoako eta Euskadiko irudi ona ematen dute eta hori da munduari eman behar diogun irudia: Euskadi eta Gipuzkoa dira kirola praktikatzen duen herria, lehen mailako gertaerak antolaketzeko gai den herria, eta kultura- zein turismo-eskeintza handia duen herria”.

Horregatik guztiagatik, EAJ-PNVren batzarkideak Bilduren aginteko Foru Aldundiari honakoa eskatu dio: “Kirolaren eta kulturaren eragileekin elkarlanean horrelako gertaerak antolatzeko. Uste dugu ezin dugula geldi egon eta, bitartean, ikusi beste lurraldeek horrelako gertaerak antolatzen dituztela. Beraz, neurriak hartu behar ditugu Gipuzkoan horrelako gertaerak antolatzeko, izan ere onak dira Gipuzkoarenzat eta lurraldea mundu osoan ezagutzeko aukera ematen dute”.

No hay comentarios:

Publicar un comentario