EAJ-PNV-REN USTEZ, EZINBESTEKOA DA GIZARTE SENDO ETA ANTOLATU BAT IZATEA, BETIERE, EUSKADIN SUBIRANOTASUN PROZESUA EGITEKO.

Batzarkide-talde jeltzalearen bozeramaile Markel Olanoren ustez, adosteko eta adiskidetzeko unea da, hain zuzen ere, bake prozesuari kalte egiten dioten manipulazioen eta alderdikerien aurka egiteko unea.

EAJ-PNVren batzarkide-taldearen bozeramaile Markel Olanori elkarrizketa egin diote Info 7 Irratiko Kalegorrian saioan. Bertan, Euskadiko politikari buruz hitz egin du Olanok eta honakoa esan du: “Ezinbestekoa da gizarte sendo eta antolatua izatea, betiere, Euskadin subiranotasun prozesua egiteko. Eta, horretarako, positiboa da gizarte aurreratu eta egituratua izatea alderdi politikoei bidea egiten laguntzeko”. Horren harira. Olanok Gure Esku Dago erabakitzeko eskubidearen gaineko ekimena aipatu du eta segidakoa esan du: “Gizarte mugimendu positiboa eta osgarria da, eta beste bide bat eraman behar du alderdi politikoek erabilitako mugimendua ez dela ageria uzteko”.

Era berean, EAJ-PNVren batzarkide taldearen bozeramaileak azpimarratu du, Katalunian subiranotasun prozesua egiteko ezaugarrietako bat Kataluniako gizartearen antolakuntza eta egitura izan dela, eta honakoa gogorarazi du: “Kataluniak eta Euskadi subiranotasuna eta erabakitzeko eskubidea izan nahi dute, baina PPren aginteko Espainiako gobernuak ez du horrelakorik onartzen eta, beraz, agerian utzi du zein den bere demokraziaren ikuspegia”.

Hortaz, Markel Olanok Espainiako gobernuaren presidente Mariano Rajoy-ren jarrera salatu du: “Jarrera hotza du eta bake prozesua oztopatzen ari da. Ezetz esan die Iñigo Urkullu lehendakariaren eskariei eta, beraz, errespetua galdu dio, batez ere, Euskadin aurrerapauso handiak egiten ari direlako eta, horiek, erakundeen arteko komunikazioa egotea eskatzen dutelako”.

Bestalde, Markel Olanok hitz egin du EAJ-PNVk Bilboko urtarrilaren 11ko manifestazioko parte-hartzeari buruz eta parte-hartze horrek Espainiako gobernuari eta Eusko Jaurlaritzaren arteko harremanen egoen izan duen eraginari buruz: “Manifestazio hori izan da egondako aldaketa garrantzitsuenetako bat. Izan ere, euskal gizarteak PPren aginteko Espainiako gobernuari argi eta garbi esan dio bake prozesuan pausoak eman behar dituela. Euskal gizarteak ez du atzera egin nahi; baina aitzitik, Rajoy presidenteak guztia kontrolpean izan nahi du jendeak manifestazioa bezalako irudirik ez ikusteko. Baina herri hau ez da geldi egongo: bake prozesua bultzatzen jarraituko dugu”. 

Jeltzaleen batzarkide taldearen bozeramaileak, halaber, politikaren, gizartearen eta justiziaren eragileei eskatu die bake prozesuak aurrera egiten laguntzeko, eta segidakoa salatu du: “Auzitegi batzuek oraindik dena ETA dela uste dute eta, ondorioz, ezker abertzalearen aurkako justizia eta polizia prozesuak egin behar direla uste dute. Baina hori egiteak ez du zentzurik, kontuan izanda ETAk armak behin betiko utzi dituela. Beraz, jarrera horiek bake prozesuari kalte egiten diote eta ez dute errealitatearekin bat egiten. Horrenbestez, adosteko eta adiskidetzeko unea da, hain zuzen ere, bake prozesuari kalte egiten dioten manipulazioen eta alderdikerien aurka egiteko unea”.

Hondakinen kudeaketa

Markel Olanok ere hondakinen kudeaketari buruz hitz egin du eta honakoa gogorarazi du: “Batzar Nagusietan hondakinak kudeatzeko estrategia onartuta dago, hain zuzen ere, tratamenduaren azken fasea balorizazio energetikoaren bitartez egitea onartuta dago. Baina aitzitik, Bilduren aginteko Foru Aldundiak ez du erabaki hori errespetatzen eta beste plangintza bat egin nahi du, hain zuzen ere, azken faserik gabeko plangintza. Eta hori, oso larria da da. Hain larria da, non Europako Batzordeak ikertuko duen Bilduren plangintza hondakinak kudeatzeko egokia eta nahikoa den eta, gainera, Europako zuzentarauak betetzen dituen”.

Azkenik, hona hemen Olanoren hitzak: “Ezker abertzaleak ez du gaitasunik izan hondakinak kudeatzeko azken fasea egiteko. Horren aurrean, EAJ-PNVk konpromisoa hartu du datozen urteetan azken fasea egiteko sistema martxan jartzeko. Hala ere, lehendabizi ikusi beharko dugu 2015eko udal eta foru hauteskundeetako emaitzak. Dena den, Gipuzkoan ezin dugu utzi hondakinen auzia konpondu gabe”.