EAJ-PNV-REN USTEZ, POSITIBOA DA INFORMAZIOA TRUKATZEKO HITZARMENAK ALDERDIKERIAK BAZTERTU IZANA

Batzarkide jeltzale Jose Corchonek esan du, behin gaia komunikabideetatik aterata – gogoan izan komunikabideetan izenburu alderdikoiak idatzi direla –, foru aldundietako teknikoek akordioa azkar egin dutela, hain zuzen ere, guztientzako akordio ona. 

Helena Franco foru diputatuak Ogasuneko eta Finantzetako batzordean parte-hartu du gaur goizean. Bertan, Ogasun departamentuko teknikoak ere izan dira eta honakoa azaldu dute: foru aldundien arteko akordioa informazioa trukatzeko. EAJ-PNVren batzarkide Jose Corchonek honakoa esan du: “Behin gaia arlo teknikoan oinarrituta eta alderdikeriak baztertuta, teknikoek azkar lortu dute  erakundeen arteko akordioa – hain zuzen ere, lau alderdi politiko ezberdinek gobernatutako bost erakundeen arteko akordioa –“.

Era berean, EAJ-PNVren batzarkidearen ustez, hitzarmenak gauzatzen eta hobetzen du informazioaren trukatzea, hain zuzen ere, lehen ere erakundeek egiten zuten trukatzea. Gainera, erakundeek gainerako datu-baseetan bilaketak egin ahalko dituzte, betiere aurretik zehaztutako txostenen bidez, baina ezingo dituzte datu-base horiek nahierara erabili. Hortaz, zergadunen datuen isilpeko informazioa bermatuta egongo da.

Jose Corchonek, halaber, zerga-iruzurrari buruz segidakoa esan du: “Ezin da beti alderdikeria erabili. Guztiok egin nahi dugu aurre zerga-iruzurrari eta eraginkorrak izan nahi dugu. Hori dela eta, gaiak politikoen bultzada behar zuela uste dugu eta ez, ordea, nabarmenkeririk, alderdikeririk, izenburu errazik eta klixerik. Eta hori ekiditen lagundu dute teknikoek. Izan ere, alderdikoia bihurtutako gaia konpondu dute”.   

Azkenik, Corchonek foru aldundietako ogasun departamentuetako teknikoak zoriondu ditu: “Izan ere, ogasun departamentuen funtzionamendua hobetu ezagutu ahal izan dugu eta, gainera, agerian uzti dute teknikoen arteko harremanak onak izan direla eta, horren adibide, informazioa trukatzeko hitzarmena da”.