XABIER EZEIZABARRENA: “BESTE BEHIN ERE, AGERIAN GELDITU DA BILDU BAKARRIK DAGOELA GIPUZKOAKO PROIEKTU ESTRATEGIKOEN AURKA”

EAJ-PNVren batzarkideak azaldu duenez, 80.hamarkadan Pasaiako portuaren merkantzien bolumena Estatuko hirugarrena eta bosgarrenaren artean zegoen. Baina aitzitik, egun, 23.postuan dago. Beraz, egoera zaila horri aurre egiteko unea da.

Gipuzkoako Batzar Nagusiek beste behin agerian utzi dute Bildu dela alderdi bakarra Gipuzkoako proiektu estrategikoak babesten ez dituena. Izan ere, EAJ-PNVk proposatu du gaurko Batzar Nagusietako osoko bilkuran, Pasaiako barruko birsorkuntzaren eta kanpoko portuaren eraikuntzaren aldeko ekimena eta, hain zuzen ere, Bilduk bakarrik kontra bozkatu du.  EAJ-PNVren batzarkide Xabier Ezeizabarrenak honakoa azaldu du: “Eusko Legebiltzarraren gehiengoak Pasaiako badiaren birsorkuntzaren eta kanpoko portuaren eraikuntzaren aldeko ekimena onartu zuen. Hori dela eta, Pasaiako portua izanik, EAJ-PNVren ustez, beharrezkoa zen Batzar Nagusiek babesa ematea ere, Pasaiako badiaren birsorkuntzari eta kanpoko portuari”.

Horren harira, Ezeizabarrenak honakoa esan du: “Ezin dugu baldintzatu Pasaiako badiaren birsorkuntza kanpoko portua egiten den uneari. Beraz, ekonomiaren egoeraren hausnarketa egokia egin behar dugu eta, pixkanaka, badiaren barruko birsorkuntza egin behar dugu, egoera hobetzen denean kanpoko portua egiteko”. 

Era berean, EAJ-PNVren batzarkidearen iritziz, Pasaiako badiaren barruko aldearen birsorkuntzari bultzada emateko, La Herrerako lurrak lehenbailehen egokitu behar dira. Horretarako, Pasaiako Portu Agintaritzari eskatu diogu, beharrezkoak diren tramiteak egiteko Gipuzkoarentzat estrategikoa den proiektuari bultzada emateko – gogoan izan, proiektuari lehengo legealdian bultzada eman zitzaiola eta, orain, Bilduk gelditu duela –.  

Xabier Ezeizabarrenak, halaber, segidakoa esan du: “Portuaren jarduera lehenbailehen sustatu behar da. Gogoan izan, 80.hamarkadan Pasaiako portuaren merkantzien bolumena  hain handia zela, non Estatuko hirugarren eta bosgarren porturik garrantzitsuena zen. Baina aitzitik, egun, 23.postuan dago. Beraz, egoera zaila da eta aurre egiteko unea da. Hori da, hain zuzen ere, EAJ-PNVren asmoa”. 

Azkenik, Ezeizabarrenak salatu du Bilduk ez duela proposamena babestu: “Eusko Legebiltzarrean ere proposamena babestu ez zuen alderdi bakarra izan zen eta, orain, gauza bera egin du Batzar Nagusietan. Hau da, Bilduk Gipuzkoarentzako proiektu garrantzitsua baztertu du eta argi utzi du gipuzkoarron gehiengoaren iritzitik oso urrun dagoela”.