EAJ-PNV-K SALATU DU BILDUK UKO EGIN DIOLA KUTXABANK-EN GIZARTE-KONTROLAREN ALDE EGITEARI

Batzarkide-talde jeltzalearen bozeramaile, Markel Olano pozik dago Donostiako Karlos lehena bidea kentzeko aurrerapausoa egin delako eta honakoa gogorarazi du: “EAJ-PNVk legealdian zehar hainbat proposamen egin ditu eta urtero aurrekontuei zuzenketak egin dizkie, betiere, Karlos lehena bidea kentzeko”.

Leer más...

EAJ-PNV-K ADIERAZI DU PSE-EE-K AZALDU BEHARKO DUELA JAIZUBIA ETA PLAIAUNDIREN ARTEKO BIDEA EGITEAREN AURKA DAGOEN

Batzarkide jeltzale Jose Corchonek esan du, Irunen PSE alderdiaren geldotasuna agerian gelditu dela.

Leer más...

MARKEL OLANO: “BILDURI EZ DIO AXOLA GIPUZKOAKO EKONOMIAREN EGOERAK”

EAJ-PNV batzarkide taldearen bozeramaileak ustez, Bilduren aginteko Foru Aldundiak ez du aurrerapausorik egin krisiari aurre egiteko eta, ondorioz, egoera oso larria da.

Leer más...

XABIER EZEIZABARRENA: “BESTE BEHIN ERE, AGERIAN GELDITU DA BILDU BAKARRIK DAGOELA GIPUZKOAKO PROIEKTU ESTRATEGIKOEN AURKA”

EAJ-PNVren batzarkideak azaldu duenez, 80.hamarkadan Pasaiako portuaren merkantzien bolumena Estatuko hirugarrena eta bosgarrenaren artean zegoen. Baina aitzitik, egun, 23.postuan dago. Beraz, egoera zaila horri aurre egiteko unea da.

Leer más...

GIPUZKOAK AURRERA EGITEKO ERAKUNDEEN ETA GIZARTEAREN ZEIN EKONOMIAREN ERAGILEEN ARTEKO ELKARRIZKETA ETA ELKARLANA ESKATU DU EAJ-PNV-K

Jeltzaleen batzarkide taldearen bozeramaile Markel Olano Radio Euskadin egon da eta honakoa esan du: “Bilduren aginteko Foru Aldundiak ez du ekonomia ekimenik egin”.

Leer más...

EAJ-PNV-K ALDUNDIAREN KONPROMISOA ESKATU DU, HERRERAKO BIRSORKUNTZARI IRTENBIDEA EMATEKO

Martin Ibabe jeltzaleak honakoa esan du: “Baldin eta erabakiak hartu behar dituenak urgentziaz ez baditu hartzen, Herrerako auzokideen bizi-kalitateak okerrera egingo du”.

Gipuzkoako Batzar Nagusiek EAJ-PNV-ren segidako ekimena onartu dute: Gipuzkoako Foru Aldundiari eskatzen diote, Herrerako EuskoTreneko geltokiko lanak bukatutakoan inguruko urbanizazioa ahalik eta azkarren egiteko, auzokideen bizi-baldintzak hobetzeko.

Martin Ibabe izan da EAJ-PNVren bozeramailea gai honetan eta segidakoa adierazi du: “Lanek atzerapena izan dute eta, ondorioz, auzolagunen bizi-kalitatea baldintzatzen ari dira”. Honenbestez, Ibabek azpimarratu duenez, “EuskoTrenen geltokiaren gaineko eremuaren antolaketak Buenavista eta Herrera arteko lotura amaitzea ekarriko dute, baita Herrera, Intxaurrondo eta Gros auzoen artekoa ere, Txaparrene pasealekuaren bidez”.

Era berean, Martin Ibabek erakundeei eskatu die, “Herrerako EuskoTren geltokiaren inguruko birsorkuntzaren hurrengo fasea egoki egiteko; izan ere, Herrera, Gomistegi eta Gaiztarroren arteko loturak arduratzen gaitu”. Are gehiago, batzarkide jeltzaleak azaldu duenez, “egun trenbidearen gaineko pasabide baten bitartzez lotzen dira eramu horiek; alabaina, hondarra, obra-hondakinak eta Herrera Iparraldeko birsorkuntzarako ezinbestekoak diren enpresen eraispena ez dira egin”. Martin Ibaberen aburuz, “arazoa geltokia amaitzen denean izango dugu. Hain zuzen, pasabidea kentzen bada Herrerako bizilagunek ez dute lotune zuzenik izango Gomistegi eta Trintxerperekin”. Hortaz, jeltzaleen batzarkideak eskatu du, “eremuan Herrerako geltokira sartzeko parke handia egiteko eta, era berean, hiru gune horien arteko lotura izateko”.

Azkenik, Ibabek aldundiari eskatu dio “beharrezkoak diren neurriak lehenbailehen hartzeko; izan ere, hartzen ez baditu, auzokideen bizi-kalitatea okerrera egingo du”. Halaber, EAJ-PNVren batzarkideak Batzar Nagusien konpromisoa eskatu du, “lan hauek ahalik eta azkarren eta eraginkorren egin daitezen”.

Leer más...

EAJ-PNV-K PASAIAKO BIRSORKUNTZAN BORONDATE FALTA EGOTZI DIE ERAKUNDEEI.

EAJ-PNV batzarkide taldearen bozeramaile Markel Olanok esan duenez, “erakunde publikoak aitzakiak erabiltzen ari dira Pasaiako birsorkuntzan bakoitzaren ardura ez hartzeko”.

EAJ-PNV batzarkide taldearen bozeramaile Markel Olanok, Madrilgo Diputatuen Kongresuan Gipuzkoako diputatu Arantza Tapiak, jeltzaleen legebiltzarkide Maribel Vaquerok eta Pasaiako EAJ-PNVren udal taldearen bozeramaile Nahikari Oterminek prentsaurrekoa egin dute. Bertan, Pasaiako birsorkuntzan eskumena duten erakundeen borondate falta salatu dute eta, era berean, birsorkuntzarekin jarraitzeko hainbat ekimen aurkeztu dituzte.

Markel Olano jeltzaleen batzarkide taldearen bozeramaileak gogoratu duenez, “gure helburua honakoa da: Pasaiako badiaren osoko birsorkuntza. Horretarako, kanpoko kaia ezinbestekoa da, izan ere, egun portuaren barruko ekonomia-jarduera kanpora atera ahalko da”. Dena den, Olanok adierazi duenez, “birsorkuntzari ekiteko ez da beharrezkoa kanpoko kaia amaituta egotea”, eta segidakoa salatu du: “Birsorkuntza esku duten administrazioek aitzakiak baino ez dituzte jartzen bakoitzaren ardura ez hartzeko”.

Ildo beretik, EAJ-PNVren batzarkide taldearen eledunaren iritziz, “Espainiako gobernuak du ardura gehien eta, bitartean, Pasaiako herritarrak dira kaltetuak; alabaina, hainbat eraikin bota dira eta eremua degradatua dago; hots, hondakindegia dirudi, nahiz eta EAJ-PNVren aldundiak behin behineko aparkalekua eta joku-eremua proposatu zituen pasaitarrentzat eta, gainera, kostua ez zen hain handia”.

Bestalde, Madrilgo Diputatuen Kongresuan Gipuzkoako EAJ-PNVren diputatu Arantza Tapiak honakoa eskatu du: “2011ko apirilaren 5ean sinatutako protokoloa betetzeko”;alta, erakunde bakoitzaren egitekoak zehazten dira. Tapiaren ustez, “protokoloa ez betetzea politika-borondate falta da eta, horrek, birsorkuntza proiektua geldirik du. Gainera, kanpoko kaiaren proiektua aitzakitzat dute bai batzuek bai besteek Pasaiako birsorkuntzarako garrantzitsuak diren hainbat erabaki ez hartzeko”.

Era berean, Madrilgo gobernuak iragarritako Jaizkibian inbertsioak egiteari uzteari buruzko erabakiaren gainean, Tapiak segidakoa esan du: “Espainiako gobernuak ez du birsorkuntzarako diru gehiago jarriko; hau da, ez da gehiago inplikatuko. Nola eramango dugu proiektua aurrera ardura gehiena duen erakunderik gabe?”. Orobat, Arantza Tapiak Lezo-Gaintxurizketako garraio mota ezberdinetarako plataforma izan du hizpide, eta honakoa adierazi du: “Pasaiako birsorkuntzarekin jarraitzeko erabakiak ez daude kanpoko kaiaren eraikuntzaren mende. Hau da, Lezo- Gaintxurizketa plataformak egungo kaiari ere emango dio zerbitzua. Beste gauza bat da merkantziak bidaiatzeko Espainiako Gobernuak atlantiar ardatzaren alde ez egitea eta, ondorioz, mediterraneoko ardatza lehentasuntzat izatea, nahiz eta Europak bi ardatzei garrantzi bera eman”.

Halaber, Maribel Vaquero legebiltzarkideak iragarri duenez, “UPyD taldeak ez aurkeztutako ez legezko proposamenari osoko zuzenketa aurkeztu diogu; izan ere, Pasaiako kanpoko kaiaren eraikuntza bertan behera uzteko eskatzen dute”. Vaquerok azpimarratu duenez, “Pasaiako badiaren eta inguruaren birsorkuntza helburu utziezina izan behar du erakunde guztientzat; alabaina, Pasaiako herritarren bizi-kalitatea hobetuko du eta lurraldeak kai lehiakorra izango du eta, ondorioz, lurraldearen ekonomia-jarduera bultzatuko da”.

Gainera, EAJ-PNVren legebiltzarkideak esan duenez, “Lezo-Gaintxurizketako garraio mota ezberdinetarako plataforma Eusko Jaurlaritzaren ardura da; izan ere berak bukatu behar du Donostialdeako Lurraldeko Zati-Plana; horrek, besteak beste, kanpoko kaia, energia-zentrala, hainbat hirigintza-gai eta egungo kaira zein garraio mota ezberdinetarako plataformara sartzeko trenbidea zehazten ditu”.

Azkenik, Nahikari Otermin Pasaiako EAJ-PNVren udal taldearen bozeramaileak eskatu du “birsorkuntza gaur bertan hasteko”. Era berean, Herrera Iparraldeko aparkaleku eta joku eremuari buruz honakoa esan du: “Behin behineko irtenbidea da eta birsorkuntza proiektuaren barruan dagoen proiektua da, herritarrei sortzen ari zaizkien eragozpenei erantzuteko”. Honenbestez, Oterminek iragarri duenez, “Pasaiako Udalaren Hirigintza departamentuari eskatu diogu, Eusko Jaurlaritzaren Itxaspe Programa garatzeko – Euskadiko itsas bazterreko herrien garapenerrako eta sustapenerako laguntza-programa –; izan ere, Pasaiako birsorkuntzarako hainbat proiektu daude kanpoko kaiaren eraikuntzaren beharrik ez dutenak”.

Leer más...

Bilduren gaitasun ezak Pasaia biziberritzeko ezinbestekoak diren 20 milioien galera ekarri du

Gipuzkoak 20 milioi galdu ditu eta beste 14,5 gal ditzake Foru Aldundian gidari diren Bilduko arduradunen kudeaketarako gaitasun ezaren ondorioz. Zifra horiek gaur eman dituzte ezagutzera prentsa aurrean Arantxa Tapia, Nahikari Otermin eta Markel Olanok.

EAJ-PNVk salatu egin du Bilduk duen gaitasun falta nabarmena Pasaiako Badiaren biziberritze prozesua kudeatzeko eta lideratzeko. Gizartearen aurrean ez ekimenik eta ez proposamenik aurkezteko gaitasunik izan ez, eta gainera, biziberritze prozesurako aurreko exekutiboak lortu zituen 35 milioi eurori ihes egiten uzten die.

Datu zehatzak emate bidean, bi dira, Bilduren kudeaketa kaskarrari “esker”, finantzaketarik gabe gelditzeko arrisku bizian dauden kontzeptuak:

1.- Gomistegiko biribilguneko trafiko bereizketarako lanak. 19. 551.755€.

• BIDEGI eta Sustapen Ministerioaren arteko elkarlanerako hitzarmena. 5.000.000€. 2010eko abenduan Madrilgo aurrekontuen negoziaketan lorturikoak. Diru hau behin betiko galdua dago.

• ETS eta Gipuzkoako Foru Aldundiaren arteko elkarlanerako hitzarmena. Denera.: 14.551.755€. Hitzarmen proposamena prest zegoen eta Jaurlaritzako Garraio Saileko Sailburuordeari igorria. Akordioa itxi eta kopuru zehatzak argitzea falta zen.

Gomistegiko biribilguneko egitasmoak trafiko astuna trafiko arinetik bereiztea du helburu, honela Pasaiako zonalde urbanoetatik kamioien pasoa galaraziz. Egitasmo honek, era berean, zonalde berde bat sortzea du helburu, honekin Bidebieta, Herrera eta Trintxerpe lotzeko aukera gauzatuko delarik. Gainera, eraitsia izan zen instalazioa (frontoia) ordezkatuko duen kirol zonalde berria eraikiko litzateke.

La Herrerako ingurune osoa eta baita Trintxerpekoa ere biziberritzeko ekarpen ikaragarria egingo luke aipatu egitasmoak.

Laster batean egingo ez balitz, gainera, ondorio moduan ETSren partetik azpiegitura zaharren berreskuratzea ondorioztatuko luke eta, beraz, Pasaiako badiaren biziberritzerako urrats izugarria egiteko aukera historiko bat galtzea.



2. –Lezo-Gaintxurizketa plataforma intermodala egiteko finantzaketa eta lurren erosketa. 15.000.000€

Plataforma intermodalaren funtzio garrantzitsuenetakoa da La Herrera hegoaldeko aktibitate ekonomikoa bere baitan hartzea, La Herrera biziberritzeko. Kasu honetan 15.000.000€ lirateke 2010eko aurrekontu negoziaketetan lortu ziren milioiak eta Ministerioaren eta Etorlurren arteko hitzarmena sinatzea eskatzen zutena. Kopuru hori ere behin betirako galdua dago.

Udal taldea

Ez da ahantzi behar, gainera, pasa den abenduan Pasaiako EAJ-PNVren udal taldeak mozio bat aurkeztu zuela, Gomistegiko trafikoen bereizketa lehentasunezko joaz.

Pasaiako EAJ-PNVren udal taldeak uste du aipatu trafikoen bereizketak epe laburrera kamioien joan-etorria kenduko lukeela zonalde urbanotik eta, aurrerago, Euskadi etorbidea eta La Herrera berriaren arteko trafikoak banatu, honekin Trintxerperen erdigunea boulevarizatzeko aukera egongo litzatekeelarik.
Leer más...

EAJ-PNV-K SALATU DUENEZ, BILDUK PASAIAKO BADIAREN BIRSORKUNTZA ETA EKONOMIA JARDUERA GELDITU DITU.

Markel Olanoren iritziz, “Bilduk ez du lurraldeko herritarren borondatearekiko errespeturik”.

Gipuzkoako Foru Aldundiak honakoa eskatu du: Pasaiako Kanpoko Portuaren Plan Zuzentzailea eta Ingurugiro Txostena bertan behera uzteko. Honenbestez, EAJ-PNVren batzarkide taldeak segidakoa salatu du: “Bilduk Lurraldeko azpiegitura estrategikoak gelditu ditu”. Ildo beretik, Markel Olanok esan duenez, “Bilduk Pasaiako badiaren birsorkuntza eta ekonomia jarduera gelditu ditu”.

Olanoren iritziz, “Bilduk ez du lurraldeko herritarren borondatearekiko errespeturik; izan ere, gipuzkoar gehienek azpiegitura honen aldeko jarrera dute, alabaina, Pasaiako badia birsortuko eta Gipuzkoako ekonomia berpiztuko ditu”.

Halaber, hona hemen jeltzaleen bozeramailearen hitzak: “Aldundiak aurretik proposatutako ekimenak atzera bota ditu, nahiz eta proiektuek herritarren gehiengoaren babesa izan eta, gainera, ez du alternatibarik proposatzen. Beraz, Gipuzkoarentzat atzerapausoa da, alta, Bilduk soilik proiektuak gelditzen ditu”.

Horregatik guztiagatik, jeltzaleen batzarkide taldeak aldundiari honakoa eskatu dio: Pasaiako Kanpoko Portuaren Plan Zuzentzailearen eta Ingurugiro Txostenaren kopia.

Leer más...

EAJ-PNV-K UDALETXEETAN ETA BATZAR NAGUSIETAN EKIMENAK AURKEZTUKO DITU, BEASAIN-BERGARA AUTOBIAREN GELDITZEAREN KONTRA

Aitor Aldasoro,Aintzane Oiarbide,Markel Olano,Itziar Agirre,Lourdes Idoiaga

Alderdi jeltzaleak Foru Aldundiari dei egin dio, obrak ez gelditzeko eta, bereziki, Deskargako tunelaren zatia (Urretxu eta Antzuola artean) lehenesteko.

EAJ-PNV batzarkide taldeak eta Goierriko zein Debagoienako erakundeetako ordezkariek (Aitor Aldasoro Beasaineko EAJ-PNVren bozeramailea, Aintzane Oiarbide Bergarako EAJ-PNVren bozeramailea, Itziar Agirre Urretxuko EAJ-PNVren bozeramailea eta Lourdes Idoiaga Oñatiko EAJ-PNVren bozeramailea) prentsaurrekoa egin dute. Bertan salatu dutenez, Foru Aldundiak Beasain eta Bergara arteko autobiaren obrak gelditzeko asmoa du. Errepide honekin, Gipuzkoako Biribilgunea amaitutzat emango da. Hona hemen Markel Olano jeltzaleen batzarkide taldearen bozeramailearen adierazpenak: “Beasain eta Bergara arteko autobia ezinbestekoa da Gipuzkoako Gaitasun Handiko Errepide-sarearentzat; izan ere, Gipuzkoako Biribilgunearen hegoaldeko zatia amaitutzat ematen da, eta lurraldearen barnealdeko eskualdeen lotura nabarmen hobetzen da”.

Era berean, Olanok gogoratu duenez, “Gipuzkoak mugikortasunaren eta bide-azpiegituren sistema aurreratua garatu du, hain zuzen, herritarrentzat oso egokia”. Honenbestez, EAJ-PNV batzarkide taldearen eledunak lurralde orekaren aldeko jarrera berretsi du, eta Foru Aldundiari honakoa eskatu dio: “Ez dezala gelditu Goierriko zein Debagoienako herritarrentzat hain garrantzitsua den azpiegitura; alabaina, eskualde hauen lotura Gipuzkoa osoarekin hobetuko da”.

Ildo beretik, Markel Olanok azpimarratu duenez, “Gipuzkoako Batzar Nagusietan ebazpen-proposamena aurkeztu dugu. Bertan, Foru Aldundiari eskatzen diogu, Beasain eta Bergara arteko autobiaren lanak bertan behera ez uzteko, eta, bereziki, Deskargako tunelaren zatia (Urretxu eta Antzuola artean) lehenesteko”. Olanoren iritziz, “azpiegitura hau eta Gipuzkoako Biribilgunean bere osotasunean beharrezkoak dira herrialde aurreratu baten alde egiten jarraitzeko”.

EAJ-PNV batzarkide taldearen bozeramaileak, halaber, Foru Aldundiari eskatu dio, “gizartearen nahia zein hitzarmen politikoak errespeta ditzan; alta, proiektua gelditzeak lurraldearen orekarako atzerapen onartezina ekarriko du”.

Bestalde, Goierri eta Debagoienako ordezkarien izenean, Aintzane Oiarbide Bergarako EAJ-PNVren zinegotzi eta batzarkideak honakoa iragarri du: “Udaletxe guztietan mozioak aurkeztuko ditugu, lanak bertan behera utz ez ditzaten”. Oiarbidek azpimarratu duenez, “eskualdearen garapenerako oinarrizko azpiegitura da”. Hartaz, Bergarako udaleko EAJ-PNVren bozeramailearen ustez, “betidanik, Beasain eta Bergara arteko autobia ametsa izan da; baina aitzitik, amesgaiztoa bihurtuko zaigu, baldin eta lan horiek gelditzen badituzte”.

Horregatik guztiagatik, hona hemen Aintzane Oiarbideren eskaria Foru Aldundiari: “Azpiegitura honetan inbertitzea nahi dugu; izan ere, krisiari aurre egiteko modu bat, lurraldearen oreka bermatzeko azpiegiturak egitea da”.

Leer más...

EAJ-PNV-K BILDURI ESKATU DIO, BATZAR NAGUSIETAKO GEHIENGOAK ADOSTUTAKOA BETE DEZAN.

Jeltzaleen batzarkide taldearen bozeramaile Markel Olanok azpimarratu duenez, “gaurkoan, Bilduren gobernuaren bakardadea irudikatu da lurraldearen erronka estrategikoetan”.

Gaurko osoko bilkuran, Gipuzkoako Batzar Nagusiek EAJ-PNV batzarkide taldearen bi ebazpen-proposamen onartu dituzten, hain zuzen, honakoak: lehena, Atotxako geltokiari eta Donostiatik AHTaren igarotzeari buruzkoa; eta bigarrena, Pasaiako badiaren biziberritzearen eta kanpoko kaiaren eraikuntzaren ingurukoa. Jeltzaleen batzarkide taldearen bozeramaile Markel Olano pozik dago PP eta PSE-EE taldeekin ados jarri direlako, eta segidakoa adierazi du: “Irailaren 2an egindako prentsaurrekoan ADIF eta Eusko Jaurlaritzari eskatu genien, Abiadura Handiko Trena Donostiatik, hain zuzen, Atotxako geltokitik igaro zedin. Hilabete bukaeran aipatutako bi erakundeen babesa jaso ostean, gaur, Batzar Nagusietan herritarren ordezkarien gehiengoak ere babesa eman dio proposamenari, eta hori oso garrantzitsua da”.

Bestalde, hona hemen Olanok Pasaiako kanpoko kaia eta badiako biziberritzearen inguruan egindako adierazpenak: “Foru Aldundiari dei egiten diogu, erakundeen arteko konpromezuak bete ditzan. Ez dugu aldundiak kanpoko kaiaren aurkako jarrera aitzakitzat erabiltzerik nahi, badiako biziberritzea bertan behera uzteko”.

Honenbestez, jeltzaleen batzarkide taldeko bozeramaileak azpimarratu duenez, “gaurkoan, Bilduren gobernuaren bakardadea irudikatu da lurraldearen erronka estrategikoetan”. Ildo beretik, Markel Olanok esan duenez, “Bilduri eskatzen diogu errespeta dezan Batzar Nagusietako herritarren ordezkaritzaren gehiengoaren nahia; hartaz, ez dezan gutxiengoaren ikuspegia inposatu; hau da, Abiadura Handiko Trenaren, eta Pasaiako biziberritzearen zein kanpoko kaiaren alde egin dezan”.

Leer más...

EAJ-PNV-K BILDURI ESKATU DIO, PASAIAKO BADIAREN BIZIBERRITZEAREKIKO ETA PORTU-JARDUERAREKIKO ERABATEKO KONPROMEZUA AZAL DEZAN.

Hona hemen jeltzaleen batzarkide taldearen bozeramaile Markel Olanoren iragarpena: “Batzar Nagusiek Pasaiarekiko konpromezua adieraziko dute biharko osoko bilkuran; izan ere, PSE-EErekin erdibidekoa adostu dugu, eta, orobat, aurkeztutako proposamenak PPren babesa jasoko du”.

EAJ-PNV batzarkide taldeko Markel Olanok eta Arantza Tapiak prentsaurrekoa egin dute Pasaiako badiaren biziberritzeari eta Kanpoko Portuari babesa emateko. Ondorioz, jeltzaleek honakoa iragarri dute: “Batzar Nagusiek Pasaiarekiko konpromezua adieraziko dute biharko osoko bilkuran; izan ere, PSE-EErekin erdibidekoa adostu dugu, eta, orobat, aurkeztutako proposamenak PPren babesa jasoko du”.

Markel Olano EAJ-PNV batzarkide taldearen bozeramaileak azaldu duenez, proposamenak honako hiru ardatz ditu: “Lehenik, portu berria eraikitzeko erabateko konpromezua adierazten dugu; bigarrenik, Gipuzkoako Foru Aldundiari eskatzen diogu, portu berria eraikitzeko Sustapen Ministerioarekin, Eusko Jaurlaritzarekin eta Pasaiako Portu-Agintaritzarekin adostutako protokoloa sina dezan; eta, azkenik, Foru Aldundiari dei egiten diogu, Lezo-Gaintxurizketako plataforma intermodala gara dezan, portura iristen diren salgaiak trenaren bidez garraiatu ahal izateko

Honenbestez, Markel Olano EAJ-PNV batzarkide taldeko eledunak Bilduri eskatu dio, “Pasaiako badiaren biziberritzearekiko eta portu-jarduerarekiko erabateko konpromezua azal dezan; eta, halaber, erakundeen arteko protokoloak errespeta, bete eta sina ditzan. Alabaina, ezinbestekoa da erakunde guztien arteko elkarlana, Pasaiako erabateko biziberritzea lortzeko”.

Bestalde, Arantza Tapiak zehaztu duenez, “Madrilen aurrekontuak onartzerako orduan sinatu genuen hitzarmenari esker, biziberritzea eta kanpoko kaia gauzatzeko eskuduntzak dituzten erakundeen elkarlana lortu genuen. Egun, erakunde guztiak adostutako konpromezuekin betetzen ari dira; beraz, Bilduri dei egiten diogu adostutakoa bete dezan. Gainera, kanpoko kaia ezinbestekoa da, erabateko biziberritzea lortzeko”.

Era berean, Tapiak segidakoa esan du: “Gipuzkoako Foru Aldundiak eta Eusko Jaurlaritzak, lurralde-antolaketaren ikuspegitik, beharrezko oinarriak ezarri zituzten kanpoko portua eta Lezo-Gaintxurizketako plataforma intermodala egiteko. Horri esker, salgaiak bide-zabalera guztietako tren-sarearen bitartez garraiatu ahalko dira, eta, berebat, A-8 eta bigarren ingurabidearekiko lotura erraztuko da”.

Dena den, Tapiak azaldu duenez, “Alduntzin foru diputatuak ez du honekin bat egiten, eta, hartaz, proiektua atzera botako duela adierazi du. Gipuzkoako biztanleriaren gehiengoa, aitzitik, proiektuaren alde dago; hala, Batzar Nagusietan herritarren nahia errespeta dadila nahi dugu”.

Leer más...