EAJ-PNV-K ADIERAZI DU PSE-EE-K AZALDU BEHARKO DUELA JAIZUBIA ETA PLAIAUNDIREN ARTEKO BIDEA EGITEAREN AURKA DAGOEN

Batzarkide jeltzale Jose Corchonek esan du, Irunen PSE alderdiaren geldotasuna agerian gelditu dela.

Txingudi Inguruko Baliabide Naturalak Babestu eta Antolatzeko Plan Bereziaren garapenari buruzko proposamenaren gainean eztabaidatu dute batzarkide taldeen Gipuzkoako Batzar Nagusietako martxoko osoko bilkuran. Eztabaida udal mailakoa izan da eta honakoa utzi du agerian: EAJ-PNVren haserrea. Izan ere, jeltzaleek salatu dute PSEk alderdikeriaz baliatu dela gaiari buruz hitz egiteko, hain zuzen ere, azkeneko sei edo zazpi urteetan ahaztua izan duen gaia. Beraz, agerian gelditu den gauza bakarra honakoa da: PSEren aginteko Irungo udal gobernuaren geldotasuna.  EAJ-PNVren batzarkide eta Irungo udal-talde jeltzalearen kide Jose Corchonek honakoa esan du: “PSEk aditzera eman nahi izan du EAJ-PNV akordio guztietatik kanpo dagoela. Baina errealitatea bestelakoa da: EAJ-PNV izan da gaia bultzatu duena eta, horretarako, jeltzaleok ekimen zehatzak egin ditugu”.

Horren harira, Jose Corchonek segidakoa eskatu du: “Eusko Jaurlaritzari eskatu zaion konpromisoa Irungo Udalari ere eskatzeko. Izan ere, Eusko Jaurlaritzak 500.000 euroko aurrekontu-saila egin du. Beraz, orain Irungo Udalari dagokio lehenengo pausoa ematea eta Plaiaundiko kirol-instalazioak Zubietara eramatea. Egia da erakunde bakoitzak bere eskumenak dituela, baina auzi honetan Irungo Udalaren konpromisoa ezinbestekoa da Txingudiko hezegunea mantentzeko eta birsortzeko”.

Era berean, Jose Corchonek PSEren interes eza salatu du: “PSEren ekimen ezaren ondorioz, EAJ-PNVk 2013an gairari adarretatik heldu zion eta hainbat ekimen zehatz egin zituen Irungo PSEren udal gobernuari eskatu zion zerbait egiteko. Une horretan, EAJ-PNVk Eusko Jaurlaritzaren babesa lortu zuen eta, ondorioz, jaurlaritzak aurrekontu-saila egin du, izan ere, gaia oso garrantzitsua da bai eskualdearentzat, bai Euskadirentzat, izan ere, natura-gune hori oso garrantzitsua da.

EAJ-PNVren batzarkideak, halaber, honakoa esan du: “PSE ez dago eroso gaiari buruz hitz egiten denean. Eta horren ondorioz, ez ditu kritikak ondo hartzen eta ezer egin ez izanak sortutako haserreaz baliatzen da ekimenak egiteko. Eta horren adibide da, Irungo udalbatzarrean PSEk esan zuela Bilduren mozioa alternatiboa zela eta, orain, Batzar Nagusietan testu bera osagarria da dela”.

Horrenbestez, Jose Corchonen iritziz, PSE eta Bildu taldeen arteko erdibideko proposamenak zalantzan jartzen du Txingudiko hiru udalherriak komunikatzeko bidea egitea. Beraz, PSEk argitu beharko du Jaizubiako eta Plaiaundiko paduren arteko bidea egitearen aurka dagoen. Gogoan izan, bide hori egiteko Eusko Jaurlaritzak aurrekontu-saila egin duela. Gainera, erdibidekoan erakundeei egiten zaien eskaria malgutzen da, izan ere ‘konpromisoak errespetatu’ hitzen ordez ‘helburuak errespetatu’ hitzak jarri dituzte PSEk eta Bilduk”.

Azkenik, hona hemen Corchonen hitzak: “PSEk jarrera arduragabea du, izan ere ardura guztia Hondarribiko Udalari pasa dio, Hondarribiako Udalak Eusko Jaurlaritzari laguntza eskatu zionean eta Irungo Udalari zatiko plangintza garatzeko ekarpena egiteko eskatu zionean”.